#高等法院第七庭
#陳仲衡法官
#20200307爆炸 #審訊 [127 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾61個月；D7 已還押逾37個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

-------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

[09:05] 開庭

▪️D1 案情，D1 作供
🔸辯方主問

🔍📱繼續睇電話通訊紀錄

3️⃣📱D1金色iPhone (SN46)

📎釣魚小子叔叔同 Mika whatsapp對話
▪️2019年3月16 ～11月13日
D1否認是上述2人，法律代表要求解釋自己金色iPhone電話為何出現呢段對話？D1指可能係因為2020年1月30日同阿蛋去屯門BBQ慶祝自己生日時，對方問有冇多一sim卡，D1將一張示威者用過留在503室sim卡比阿蛋，阿蛋之後裝在2月2日D1所借金色iPhone並使用WhatsApp，張卡之前可能有人用過WhatsApp而佢選擇擇還原電話卡之前用戶對話訊息。D1確認識得釣魚小子叔叔，Mika則不肯定是誰，3月6日收回借出金色電話時見到多咗WhatsApp但冇撳入去睇。

2019年9月10日，Mika發出一張疑似D1在中文大學教武術相片貼文，D1同意法官觀察profile 相片是自己當時FB帳戶，圖片下方Sky Fan留言指溝女就溝女，Lukas Ho（D1)回覆唔係每個人心中只有性同錢。D1相信是Mika截取自己FB內容再發比釣魚小子叔叔，2人之後以聲音口訊討論踢唔踢佢(Sky Fan)走。陳官🗣️要求播放兩人語音對話給予陪審團辨認是否D1(控方指Mika是D1)，聽罷對話庭上D1指兩把聲音都唔係自己。10月20日釣魚小子叔叔叫Mika搵日一齊試一試佢啲炸彈，鋰電一過熱就爆㗎。11月5日Mika指早兩日整咗個炸彈出嚟，釣魚小子叔叔留口訊「天偉，小心啲！知唔知呀」。D1答唔認識天偉。陳官🗣️問你話示威者指提汽油彈宜家內容見到係炸彈。D1答自己認為鋰電池爆炸不是炸彈。

-------------------
代表指完成所有單對單對話，以下開始展示多人羣組

📎92簽公海羣組
▪️2020年1月27日~3月1日
D1 確認自己身份不是管理員或owner, 只是訂閱者可見到頻道訊息。1月27日頻道發貼文承認明愛醫院爆炸案，指現乃香港生死存亡之秋，只有迫醫護罷工令政府封關，今次先放置煙霧彈，及後將會放真正的炸彈，下一步會針對關口行動，D1當時不知邊個寫，去到3月6至7日才懷疑係Rachel身邊的人寫，自己冇參與過明愛醫院爆炸案。

2月2日羅湖站爆炸後，92簽頻道在19:34時出貼文承認責任，並說關口放炸彈說得出做得到。D1指羅湖站案也同自己無關，當晚將銀色電話借給阿蛋。頻道在3月1日又發文指眾籌革命，暫時行動交和理非接力，離港迴避，但行動需要籌錢繼續營運，會貼上Bitcoin連結。D1指仍訂閱頻道，當時看到此訊息。

📎無名群組
▪️1月27日～2月2日
內容在D2電話找到，有5名成員，同意成員「五飛」是自己，當時不知道「一枝弓」同「夠鐘改名」身份，但知「人血饅頭王」同「光復Justitía」是2個旺角女示威者。問為何自己電話找不到這個群組，D1指自己後期被人移除，所以冇曬對話。

1月27日明愛醫院爆炸後02:34時夠鐘改名話「我都驚」，02:36五飛答「想去睇吓」。其後夠鐘改名再指「個bot雙剔咗我」、「個bot冇回我boom」，五飛指同秘書姐姐在旺角，可以去回收。之後再指自己blackbloc咗，建議不如入去點着佢算。D1在03:42時講試試入去廁所㩒(掣)、去到嗰度㩒多次、質疑之前會唔會接收太遠。以上對話D1解釋當時同一女示威者在旺角協助後生示威者離開後逗留收風，知道煙彈以遙控引爆爆，於是發言可以去醫院回收。陳官🗣️關注TG羣組冇講地點，D1為何答想去睇下並報上在旺再。D1指就係好奇想在群組套取放置地點。陳官🗣️進一步問身穿黑色示威者衣着去回收煙彈你認真㗎？D1指可能當時飲醉講大咗。D1補充在TG群組知有人去醫院放煙彈，冇詳情，講咁耐都未有消息諗是否流料，話入去廁所點着佢或者㩒掣只係講吓。陳官🗣️再質疑D1點知放廁所，D1指果時對話見到，唔知點解而家文件冇咗。

📎另一無名群組
▪️2月2日~6日
羣組內有9人，初指成員pussy、叉雞飯呀 屌你老母及1010225908帳戶不知身份，此段對話在D1及D2電話內找到。D1指2月2日借出電話比阿蛋扮自己，此個對話中留言者「五飛」是阿蛋不是自己，佢有向自己提過一啲內容。2月3日五飛話「演員已預備」、「係咪要等瘟疫醫生面具」。陳官記得William Wallace同Alpha Force對話中也提過瘟疫醫生面具，但果時涉及情趣玩具生意。為何又喺呢度討論？D1相信阿蛋認為也可以應用在呢度。

2月3日羅湖站爆炸後，一枝弓在群組問係咪出貼文承認責任，光復Justitía話「關x事，老豆搵仔承認咗」。D1獲阿蛋告知羅湖案件好似係一班叫老豆搵仔的人做，但92簽承認責任。23:36時五飛發出1張D1同Rachel於酒吧拍攝相片，D1認為是阿蛋在自己FB截圖放上群組想令其他人相信組內五飛是D1本人。陳官🗣️立即問呢個群組有邊個見過你？D1答「光復Justitia」「1010225908」
，法官追問之前唔係答唔知1字頭帳戶身份？D1稱睇返內容記起呢個係Rachel。

2月6日羣組討論提起copper thermite cocktail、with NaClo、用TATP塞警車死氣喉等，D1指阿蛋冇告知有這些內容。同日18:34時五飛問「要魷魚開聲」、「約交收」，陳官先問🗣️阿蛋何來魷魚？D1答自己早兩日俾咗魷魚阿蛋。陳官再問阿蛋點代五飛交收？D1即答自己手上仍有魷魚，如果有人要就自己親身去交收，但從對話可以見到最後冇人要。19:52時五飛發言「硝酸鉀會唔會多咗線索」，D1回答當時唔知道硝酸鉀是什麼，所以不知阿蛋代打呢句嘅意思。

📎支持警察執法群組
▪️2月7日～15日
此組共有11人，成員包括控方指為D1的五飛及William Wallace。D1重申呢個時段叫阿蛋用另一個「五飛」TG身份代替自己，後來改咗做「William Wallace」後才被加入。自己唔記得邊個成立呢個群組及誰人是管理員。而本群組成員五飛身份確認是D1本人，自己是被人在2月7日中午加入群組，估計可能有人有佢ID而加佢入去。

2月7日訊息
13:06 夠鐘改名：340呎夠唔夠用
13:06 Pussy：放幾多嘢
13:07 五飛：當大部份人10樓嘅危險嘢
D1指自己打錯及打漏咗，13:07回答應是「當大部份人知10樓有危險嘢」，因Rachel同D1講過10樓存放有危險物品。
13:33 五飛：我自己生意都kick kick 地、連合法出口都唔得
13:38 五飛：其實今次經濟一差好多金主都會死、自身難保
13:40 叉鷄：窮、我考慮轉做ptgf
13:42 五飛：慘，幫襯開啲客都冇錢
13:49 五飛：再搞唔掂真係揸槍行劫藍店（D1指當時係講笑）
13:57 叉鷄：我覺得打劫仲易
14:01 五飛：其實打劫最大問題唔係落手，係事後出貨
14:06 五飛：如果行劫精準就中女社（中旅社）
14:06 五飛：我一陣出旺角睇吓
D1指上述只是閒聊疫情香港經濟差，大家講笑吹水。
同日稍後D1確認在羣組看到引述92簽貼文提出五項訴求，會在不同地點放炸彈，各人討論五項訴求時五飛出言：「咁不如開大啲」，D1同意係自己打出，但意思係好似鋤大D咁大佢哋，並不是認真。

2月8日訊息
16:15時五飛邀請William Wallace加入群組
16:15 五飛：change ac
16:18 五飛 left group
16:19 William Wallace: 找不到我急事搵五飛條仆街

[13:45] 完庭，案件押後至明天(23/4) 08:45繼續。

#高等法院第七庭
#陳仲衡法官
#20200307爆炸 #審訊 [128 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾61個月；D7 已還押逾37個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

-------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

[09:00] 開庭

▪️D1 案情，D1 作供
🔸辯方主問

🔍📱繼續睇電話通訊紀錄

📎支持警察執法羣組
▪️2月7日
D1稱群組內五飛是自己，2月8日後阿蛋以William Wallace加入扮自己，五飛則退出。D1 指五飛打「l m loving」是自己認同夠鐘指有醫護朋友開始想投降（罷工)。夠鐘改名指「Btw 呢兩日放多單喺黨鐵，放先出聲明好，定係出左先放」；其後Pussy講放咗先出聲明，俾人感覺一步一步進擊，唔會搞到口水多過茶，五飛打「+1」，D1指這是認同也是個hea嘅回應。

夠鐘改名之後話用返上次羅湖做法一煙一彈；一係直接一個煙，喺個底溝爆、燒到落底先爆。D1此刻相信羅湖案同呢個群組嘅人有關係。之後五飛發了2張圖但控方資料未能顯示，D1記得是同爆炸無關圖片。16:55時五飛說「都好多班次」，D1回答大律師是sent錯，當時買緊2月中去泰國機票。陳官指留意跟住訊息回覆唔多似..
17:05 人血饅頭：而家直通巴唔係停晒？
17:06 人血饅頭：你要睇應該係中旅去深圳灣個架
D1不同意同之後回覆有關連。
夠鐘改名再問「聽晚整一個遙控出嚟OK ? 」，五飛問「有隊想即刻玩？」D1說是想收風係咪有人做嘢。Pussy之後指夜啲返Office印面具順便整。有人問「印面具？」，五飛答「海外演員用」，D1指是早前作供提做情趣玩具生意搵人宣傳需要戴面具宣傳以免尷尬。

▪️2月8～15日
D1指2月8日William Wallace (WW)是吩咐阿蛋扮自己加入，五飛則退出。D1估佢肯扮自己分身都係想認叻追女仔，而且阿蛋有個自己營運Channel，收到風可以放在自己頻道。

以下羣組內容對話涉及將軍澳及炸彈計劃D1確認阿蛋完全冇匯報，自己不知情及冇份參與，發言全是阿蛋自己的決定，不是D1意願。2月8日WW發訊息「下次八號晚上將軍澳祭周同學」、「下晝就開始放祭壇」，2月9日WW話「可以開始傾下下次將軍澳追悼會」、其他成員繼續討論3月8日將軍澳周同學祭壇計劃，WW再指手頭上兩個方案，一個中旅社一個就將軍澳。

陳官問阿蛋2月8日開始扮D1，由參與者變為領導者，更提出新項目，超出其劇本，D1同意更謂阿蛋幾是爆肚。陳官再關注其他人有冇喺呢段時間上去503室？D1答同Rachel講追緊女仔，好多時會在503煮飯仔，唔好上。如果有人上自己會避開。引述承認事實出入503室紀錄，2月11日D2及Vivien分別有上過503室。

📎無名群組
在D1金色電話SN46內，有9名成員包括：夠鐘改名、William Wallace、叉鷄飯呀 屌你老母、流沙天堂、Bee、我原是世間中的粒子、一枝弓、大鵬今翅鳥(華御結）神獸、武肺疑似患者。D1指當時知武肺是Rachel、叉鷄是Vivien，夠鐘及一支弓不知是誰。

[09:45 至10:17] 休庭

叉雞飯邀請武肺疑似患者入群組，D1 唔知邊個係管理員，群組中嘅William Wallace (WW) 係呀蛋，叉鷄飯呀屌你老母是Vivien、武肺疑似患者是Rachel，群組通訊只由2月15日至19日，D1 解釋社運期間幾日轉一個群組係示威者嘅做法；在通訊內容中，Rachel 曾經質疑WW 係邊個？*WW答小學學長。WW 話「例如一幫人掉火 空投 另一班人專心蛋糕」，流沙天堂話「我哋整鋁熱火」；D1 解釋阿蛋無向佢匯報通訊內容，當時係唔知道，現在估計掉火係指汽油彈，蛋糕係煙霧彈，當時示威總會有人掉汽油彈，覺得無大問題，聽過鋁熱劑但無見過實物，無參與。

📑另一無名TG 群組，在D1 的金色電話和D2 電話揾到
十四名成員有：William Wallace，夠鐘改名，Ricardo Milos象徵自由的男人，叉鷄飯呀屌你老母，餓底港女，流沙天堂，仁至義盡，狼神，Cookie Tart Master，逆陽而生，大鵬金翅鳥(華御結)神獸，十六，中立撚，一枝弓。當中大部份人都唔識。通訊紀錄由2月19日至3月4日。

WW 在群組中有較多發言「我哋會公布計劃，同以前一樣放蛋糕（D1相信指煙霧彈），你哋跟住做就得...我哋玩兩個...有無人想放...我哋淨係需要你哋扮街坊，同埋放祭壇...我哋取消，大家當日自由發揮」。
D1 表示在2月19日至25日身在泰國，電話不在手上，無登入過WW acc，無睇過對話。

📑TG 群組「烘焙同好會」，在D1 的金色電話和D2 電話揾到
9位成員有：武肺疑似患者，叉雞飯呀屌你老母，流沙天堂，大鵬金翅鳥(華御結)神獸，我原是世間其中的粒子，一枝弓，William Wallace，Bee/Stinger Boi。通訊紀錄由2月20日至28日，電話依然在阿蛋手上。

訊息中，流沙天堂問「有無人知有咩地方可以試煙霧彈，預計有大量氯氣煙...搵到另一隻粉，佢有成25 kg 貨，加埋dot 4 油就搞掂...你玩鋁熱？」；WW 「尋晚見完西瓜，佢問我哋婦女節個蛋糕想玩幾大，另外搬上10樓，我都會買部3D printer幫輕下佢，佢一個人做做死佢」。阿蛋無同D1 講訊息內容，當時唔知有咩對話，D1 解釋當時聽到啲流言話五飛唔積極，所以叫阿蛋佢扮做吓嘢，搲啲租金資助，可以放啲合法儲存嘅嘢在新單位。

2月26日WW發出一張電池連電路板圖片，問「係咪已經冇用，係我揼左佢」。D1指當日下午503室執拾唔知邊個位置搵到，因為懷疑Rachel身邊人涉煙霧彈，發圖比阿蛋叫佢問下組內的人。

[12:04~12:36] 休庭

WW 在群組發言「天拿水用嚟噴模型...有教會有烘焙店...有啲配方如果要試就好難瞓...星期五預計入將軍澳考察...約咗阿肥同另一街坊加蕉...提議去西環釣魷魚開會」。
D1 稱阿蛋都係無講過訊息內容，唔知佢哋在2月28日有無去將軍澳考察，2月29日黃昏時候約咗阿蛋去油塘釣魷魚，但阿蛋約在8~9點走咗，唔知佢有無去西環開會。

📑另一無名TG 群組，在D1 的金色電話、D2和D6 電話揾到
成員有：夠鐘改名，William Wallace，叉雞飯呀屌你老母，武肺疑似患者，Bee，一枝弓，流沙天堂，大鵬金翅鳥(華御結)神獸，大西北騎牛仔。通訊紀錄由2月29日至3月6日。當時D1不知大西北騎牛仔係邊個。

第一個訊息在2月29日21:32，WW「你哋十點？」，當時阿蛋無通知D1 要去西環開會；3月1日 11:50 流沙天堂「59 : 31.6 : 9.4 KNO3 AL S」；Bee 傳出對話截圖「台軍咁講」；一枝弓「我哋用黑火定flash powder」，Bee 回應粉就flash 勁啲，黑火藥煮嘅就勁D。過程主要由夠鐘改名，叉雞飯，一枝弓，Bee，流沙天堂傾，直至21:18 WW 問where, join，但無人回應；3月2日 12:28 叉雞飯傳出將軍澳地圖，13:34 Bee 「今次單嘢一成功就寫入教科書」。
D1 解釋當時無收過消息話羣組有人整炸彈，在公海收過消息，知道3月8日一定有示威活動，連登有出過post，有人講用汽油彈，點樣進攻點樣撤退，阿蛋都講過兩三次將軍澳可能有人做嘢，可能同Rachel班人有關，提過做煙霧彈，當時唔想知得太詳細，無登入WW acc。唔知道阿蛋有通知一枝弓在訊息中認咗當日同羅師傅去明愛放炸彈，當時無查過邊個係一枝弓，直至被拘捕之後。

[13:44]  完庭，案件押後至明日 (24/4) 08:45繼續。

#高等法院第七庭
#陳仲衡法官
#20200307爆炸 #審訊 [129 / 75+25]
Part 1

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾61個月；D7 已還押逾37個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========
[09:06] 開庭
🔺法官批准陪審員4月30日放假，當天不會開庭
▪️D1 案情，D1 作供
🔸辯方主問
🔍📱繼續睇電話通訊紀錄
📑無名TG 群組，在D1 的金色電話、D2和D6 電話揾到。
成員有：夠鐘改名，William Wallace(WW)、叉雞飯呀屌你老母，武肺疑似患者，Bee，一枝弓，流沙天堂，大鵬金翅鳥(華御結)神獸，大西北騎牛仔。通訊紀錄由2月29日至3月6日，D1指WW是叫阿蛋扮自己參與羣組。

▪️3月2日
WW話「我哋係咪繼續撚羅師傅」，夠鐘改名指「啱呀，佢On 9真係錯有錯着」。流沙天堂說玩大啲係好，但小心搬運，出入太明顯。叉鷄飯問係咪攞返去5樓。D1指阿蛋無講呢D內容比佢知。
WW稍後話「一日都有一皮港幣，我有女仔朋友玩Patreon，可以課金俾我哋、公海出咗3月8日將軍澳有行動」、「體育部都要資源，旺角死咗好多新兵」，D1指阿蛋知道自己教防身術，幫手搲資源，但無詳細講將軍澳有行動，佢只在3月5日黃昏時同自己飲酒時講果日唔好返503室，自己無問原因。Bee在組內提議可以拎返警方四點記者會片段，key返我哋做完將軍澳爆炸後想講嘅嘢。

▪️3月3日
夠鐘改名、武漢疑似肺炎及一枝弓由凌晨至03:15 三小時內討論TNT、20kg flash powder的使用及爆炸威力。D1同意凌晨自己在503室內如平時作息活動，無登入電話睇呢D訊息，阿蛋也沒有通知內容，當時唔知道有上述對話。
09:14時夠鐘改名講一係用ANFO，D1唔知乜嘢嚟，阿蛋無通知。之後武肺疑似患者問上次台灣寄一袋化學品返到未。阿蛋也無通知羣組有人訂了化學品，阿蛋只同D1講12:50至14:24時對話：大鵬今翅鳥組內打 「@ oneglow（一枝弓) 確認被捕，上警車，已搵屋企人同律師」。WW話「頭先打俾佢，佢都唔知會唔會俾人拉」。D1聽到阿蛋上述通知有擔心過出入宏倉方的人被捕。
16:23一枝弓提大家今日六點會在Tesla車內測試flash powder, WW答「我今晚同人傾嘢，後join」。D1指阿蛋有通知測試，但無講試乜嘢，蛋話回答佢哋只係擦存在感，唔會出現。D1自己當時唔認識Flash powder。18:25時WW發訊「星期四我會收萬多cash」「from賣相女女，我交比who」。D1指同阿蛋2人傾既然唔會參加將軍澳行動，又想脫離班人，提議搵人捐錢比佢哋，所以有上述內容。

▪️3月4日
01:18 ～14:52群組內一枝弓、流沙湯圓等先後討論化學品比例同測試，內容有「KNO Al S 6:3:1」「E粉 20ml 5ml 新液 reaction time 17 min smoke 40s」。D1同意以上根據早前庭上認知是氯氣彈測試。之後WW(阿蛋)在14:47至14:52分別講「放我地自己、㩒掣有人、另外有需要早一日運去將軍澳、因為出邊幾隊吹風話玩嘢」。D1重申阿蛋無提及上面內容，只在3月5日飲酒先有講3月8日唔好去將軍澳，佢知道有乜嘢安排但D1自己唔知道，而D1從公海羣組得悉有其他人吹風話去玩嘢。

📍將軍澳計劃行動分工
14: 57 ～15:39時，WW（阿蛋）多次提及3月8日行動分工，包括「我女朋友可以哨」，法官問阿蛋有女友，D1回覆有。之後陳官指呢句佢應該是扮緊D1，D1回覆阿蛋也知D1自己有女友。另外WW發文分工內容：「如果唔預羅師傅，我哋可用人手越嚟越少、喺屋㩒掣OK、開個火魔小隊佢玩、你負責最後叫人散水就可以、我可以放或護衛組」，D1指自己沒有參與，是阿蛋自把自為講出來。如果單看訊息應是放閃粉flash powder，護衛意思是幫放閃粉的人睇吓有無警察。阿蛋3月5日有講代D1揀咗角色做放或護衛。D1問佢唔係唔去點解仲要揀崗位？阿蛋答橫掂佢會去現場掟汽油彈，D人見到我哋出現當有去做咗護衛。陳官🗣️嗰時扔汽油彈的會穿黑色衫褲同蒙面，人地點認得出係你在場？D1同意自己出動時也blackbloc，解釋當時習慣行動前會在另一個僻靜地點先集合換衫褲，上gear同裝備，大家互相是見到樣貌。接住流沙天堂話今次未必太貼身做嘢，夠鐘改名提醒「說好的 管錢唔俾衝」，WW回覆行行企企可以嘅，再列出自己填上分工「老隻：護衛/放  老隻女友：哨，其他人自己填」，夠鐘改名反問唔係放啲角色上嚟俾人揀，WW說「角色大家都知」，之後各人討論行動安排如墓碑大細、墓碑炸彈設計圖、買定偷車、掩飾運送蛋糕安排、安排假鬍鬚假髮、用喇叭播歌/文宣、預備紙鶴、完成後上山、燒衫等。21:46及22:55時WW及夠鐘改名分別修改同一張D1長髮釣魚相片加上鬍鬚、皺紋同眼鏡。23:02時夠鐘改名發出3月8日手寫草擬行動流程，D1表示阿蛋完全無通知組內講過呢啲行動安排及有人發送修改自己釣蝦圖片。

[10:28 ～10:57] 休庭
未提3月5日訊息前，D1法律代表先講出控方案情3月5日D1在下午離開503室，3月6日03:34 才返回。

▪️3月5日
WW 15:50開始再在組內講文宣、運送及安全事項。19:37 Bee有突發事要趕返屯門，吩咐各人試住10kg電引 加 硫磺版Flash powder先。20:28時WW講「個磅失咗蹤」，夠鐘改名回覆今日唔試聽日就直接要溝。22:34時WW發出一段503室測試燒爆炸品片段，22:41夠鐘改名問係咪失敗咗。22:52時WW發訊@surreal_ggx，雞仔問你夜啲得唔得閒？D1說阿蛋下午約了自己，當時飲酒飲得好醉，佢用銀色手機比自己睇話有一段503室廁所試爆片，阿蛋2019年有上過503室所以認得。D1指自己只在此時見測試片段，以上行動訊息阿蛋無通知，自己完全無參與。至於阿蛋提過「雞仔」，自己認知有雞字的人是「山鷄」，自己被捕後知道是D2。

▪️3月6日
00:17時羣組內一枝弓上傳幾段503室點著化學品測試片段，留言KNO3 Al  5:5，D1指當時在酒吧內阿蛋有將其中一段片比自己睇，但因用全螢幕收看，見不到KNO3訊息字眼。

......Part 2

#高等法院第七庭
#陳仲衡法官
#20200307爆炸 #審訊 [130 / 75+25]
Part 1

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾61個月；D7 已還押逾37個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========
[09:01] 開庭

▪️D1 案情，D1 作供
🔸辯方主問

🔍📱繼續睇電話通訊紀錄
📑TG 群組「維港煙花夜2020」，在黑色iPhone (SN49) 揾到

成肙有：五飛，謝利葉，Cock popo，來自天堂的魔鬼。據D1 了解，群組成立的目的係涉及將軍澳示威活動中使用汽油彈，無諗過將呢班人加入烘焙同學會。2月19日被加入群組，但當日去泰國，無睇當晚嘅對話，直至2月20日 10:21 才開始提出意見：「同以往一樣要人防CID...主要怕事前漏風...突擊掟狗屋走入欣明苑...定尚德商場空投」
15:10 五飛：「將軍澳我哋幾個傾一次先，然後再同佢哋開一個大會？」。D1 稱「佢哋」係相熟記者。
10:23 謝利葉：「我唔建議成堆人出去傾...痴線...邊有恐怖份子咁樣gathering」
10:25 五飛：「上次有啊，我哋上咗獅子山公園傾」

2月24日 19:27 五飛：「I am back」，通知由泰國返來。

2月28日 19:51 Cock Popo：「今晚十點開會，1. 夠鐘改名，2...，3...」，D1 估計可能Cock Popo 識得夠鐘改名，私下有聯絡，將佢哋開會呢句抄咗過嚟。五飛在群組指嗰個會取消咗，他們可以在將軍澳視察。後來Cock Popo 出現，其餘3人在9～11點周圍行。
21:05 五飛傳出將軍澳坑口地鐵站相片，表示到咗
22:59 謝利葉：「整組行動5～6人左右」
23:01 Cock Popo：「羅師傅個朋友，我覺得掂嘅」；D1 估計可能Cock Popo 識得羅師傅。
23:01 五飛：「頭先祭壇有人搜身」，D1 解釋「祭壇」在尚德停車場周梓樂過身的位置，當時有人定期在此悼念。
23:02 來自天堂的魔鬼：「得接頭人知來龍去脈」
23:02 五飛：「其他人唔會知道詳情」

2月29日 00:05 來自天堂的魔鬼：「我好撚嬲，一定要成功！」
10:54 五飛：「我哋一睇完佢哋就清...尋晚見到一個便衣在上面」。D1 解釋係防暴清祭壇。
18:11 五飛發送google 將軍澳地圖連結，Cock Popo 問「Target?」，五飛回答「之一」；D1 解釋因前一晚傾過不同方案，所以將軍澳警署係目標之一。

3月1日 11:47 五飛：「最後決定一發定勝負...但會好重料」；D1 解釋他和群組成員聚會時，有3月8日掟汽油彈的想法，諗過在尚德邨或欣明苑旁邊的將軍澳警署，故回應「之一」，計劃是想在高的地方掉一支很大支的汽油彈，1.5公升以上那種，並加入溶咗嘅發泡膠，所以好重料，打算先藏在周梓樂祭壇之後掟出去，但計劃最終取消，因為揾唔到大酒樽；陳官🗣️揾唔到樽？可以買支大酒倒晒啲酒，咪有樽囉。D1 回應係唔想做，總之最後無做，揾唔到樽只係藉口。之後無人回應，計劃無共識，亦無人做。

3月2日 16:37 Cock Popo delete group。D1 解釋因取消計劃，所以刪除。

🔍📱跟進電話中影片和圖片
🎥跟據專家證人的報告的影片次序，播放6段在金色電話揾到的影片，和兩段在黑色電話揾到的影片，D1 稱在借金色電話畀阿蛋前，無在電話中見過這些影片，攞返電話後至被拘捕前，無開電話睇過這些影片，阿蛋亦無叫D1 睇這些影片。

🎥第一段片，在一個廁所的馬桶上有一個鐵蓋，內有好少粉末，有人用噴槍燃點，粉末閃咗一下無煙無火。

🎥第二段片，在一個廁所的馬桶上有一個鐵蓋，內有一塊電路板，聽到啪一聲，閃咗一下無煙無火。

🎥第三段片，在一個廁所的馬桶上有一個鐵蓋，有一條引線連接到鐵蓋出邊，有人用噴槍燃點引線，引線燒著，同樣無煙無火。

🎥第四段片，在一個廁所的馬桶上有一個鐵蓋，內有少量粉末，有人用噴槍燃點，粉末被燒着，有火有煙。

🎥第五段片，在一個廁所的地下有一個鐵兜，內有粉末，有人用噴槍燃點，粉末被燒着，大火大煙；D1 稱好似係阿蛋在酒吧畀D1 睇嗰段。

🎥第六段片，在一個廁所的馬桶上有一個鐵蓋，內有一塊電路板，無着火。

D1 確認影片中的廁所係503室，影片拍攝時無一次在場，試嘢嗰班人無通知過D1。

🎥第十六段片，在黑色電話揾到，影片拍攝一個煎pan，內有咖啡色物體，D1 稱拍攝地點不是在503室，唔係D1 拍攝，亦無參與，影片係在羅湖事件之後，Rachel 傳俾D1，話試咗啲嘢，影俾D1 睇吓。

🎥第十七段片，在黑色電話揾到，拍攝503室廁所的馬桶上有一個鐵兜，內有橙色粉末，有人用噴槍燃點，粉末被燒着，有火有少量煙；D1 稱影片係在2020年1月25日年初一發生，當時「華御結」上咗503，話有煙花材料，拆咗出嚟想試吓，係在落街食飯前試嘅，D2 & D3 都在場，唔記得由邊個拍攝，當時D1 在上格床，試之前華御結問D1 借厚風褸，D1 除下身上黑色外套比佢着，所以片段中黑色風褸的人不是D1，陳官🗣️測試者特徵仲有大藍色醫護口罩啲一同意。試完之後，華御結話唔係好大娛樂效果。

[10:25～11:13] 休庭

❓口供可信性
陳官🗣️跟進休庭前數一段宏倉方測試煙花片段，為何會在D1黑色電話中出現？D1指測試煙花之後4個人落街食嘢，叫「華御結」傳送測試片段比自己，以便向其他示威者認威吹噓。陳官🗣️再追問上週作供解釋同D7同一日TG對話，講過503室煮海鮮給各人食仲話唔夠食，現在又話出外食嘢？D1指煮海鮮是落街食嘢之後返上503再煮嘢食。
辯方展示控方1月25日CCTV紀錄，
19:48時 D1、D2及D3進入503室
19:53時 D1、D2及D3離開503室
D1確認「華御結」［TG大鵬金翅鳥（華御結）神獸］是一齊入屋而警方無紀錄。而剛才作供指人進入503室，D1除下外套比華御結穿上、自己走去上格床睇iPad，華御結測試燃燒拆開煙花、四人再出門食嘢，法官問全部嘢在上述時段即是5分鐘內發生？D1確認。

📞D1金色電話內相簿
3月4日Bee在群組發出一張控方指為墓碑炸彈設計圖，當時電話在阿蛋手上，D1表示無睇過唔知情同無參與。3月5日Bee再發一張電路板圖片，D1的金色電話不在手同樣無睇過。3月6日至7日D1已經取回金色手機，Bee及夠鐘改名先後發出藍牙喇叭、電子裝置及巴域街公園相片，D1指無打開羣組所以也無見過呢幾張相。D1只確認3月6日22:15及22:33時由叉鷄飯同Bee發送深水埗巴域街公園之圖片，自己有打開睇，並補充手機Telegram設置自動儲存圖片功能，所以控方在相簿內搵到上述圖片。

📱D1黑色電話內相簿
相片一：電子裝置及疑是遙控裝置相片，D1解釋是羅湖事件之後阿蛋發送，自己睇完刪除，被警方搜證時恢復檔案才看到。陳官🗣️你唔係習慣儲存圖片向其他人吹噓？D1答覺得已經有足夠圖片吹噓。回應辯方代表自己有問過阿蛋點解send相俾自己，蛋話喺示威者整純粹分享，D1強調自己不知圖片物品是什麼、無參與或製作。

相片二：煎鍋上有深色物體
D1解釋在公海示威群組見過呢張相片，電話有自動下載功能而儲存在相簿。當時認知係有示威者整「偈油彈」，2019年見過示威者用，是用汽車廢置偈油加麵粉整到排泄物咁，扔去警車車窗令到好難清洗，不用煮。

相片三：黑色鐵容器內有燒過物品
應該是瀏覽過公海群組而自動儲存相片功能，之間見到，唔知邊個放低。

相片四：綠白色支狀煙花、紅色長條及另一款較短身炮仗，同一些引線。D1相信同相片三、四一樣是睇公海示威群組而自動下載在相簿，3張相片背景唔肯定是否在503室拍。回答大律師1月25日華御結上嚟單位曾經見過佢背囊內有炮仗。陳官🗣️要求再展示控方拍攝503室搜到煙花炮竹同引線相片（庭上見同相片四相似)。

相片五及六：電路版連接電池，一個電池上貼有”PW RTHK”貼紙，D1指出一樣是阿蛋羅湖事件後分享情報，D1睇過知是遙控裝置。

......Part 2

#高等法院第七庭
#陳仲衡法官
#20200307爆炸 #審訊 [132 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾61個月；D7 已還押逾37個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========
[09:02] 開庭

▪️D1 案情，D1 作供
🔸辯方主問

📹青衣警署，第一次錄影會面紀錄
*作供重點：因警長4081 曾經講在錄影會面做得好，會同上頭講保釋，所以答案係會配合。澄清/補充當時點解會咁回答，記錯某些事情發生的時間，某些回答係講錯，以庭上證供為最後版本。因辯方只係講重點，所以以下紀錄不是連續。*

在錄影會面中警方展示一張相片，係D1 與一名女子在宏創方樓下吸煙，無日期時間，D1 當時講咗係1月25日，稱約她上嚟飲酒，再落樓下食煙，唔知她的中文名，只知叫Vivien，係飲酒落club 嘅朋友，唔係上前線抗爭，唔關佢事。辯方返睇宏創方CCTV，證實係1月26日，D1 同意講錯日期。

最後一次上1008室係2月3日，最後一次上1009室係2月24日，係去完泰國上去派手信，1009室係一位大角咀示威嘅朋友租住單位，佢叫「緣份」，1009室同1008室無關係，同503室亦無關係，在錄影會面中描述1009室嘅答案係正確嘅。

警員問點解山雞有1008室，仲要503室擺放嘢？D1 回答佢哋話要放少少嘢，有津貼咪算囉，陳官🗣️你話係Rachel租，關山雞咩事？D1 回答因為警方俾咗相睇，不斷問山雞和夠鐘改名，無意識下講咗山雞。

[09:25~09:48] 休庭，陪審員唔舒服

D1 補充，知道Rachel 同山雞有聯絡，做錄影會面時知道山雞係D2，租1008室嘅係D2，上過1008室一兩次無見過化學品，在2月3號最後一次上去都無見過一包包嘅化學品。佢話上邊唔方便，我嗰度通風好啲，本來已經諗住三四月會搬，咪整咧㹃少少無所謂；在呢度回答時會撈亂較早時候嘅記憶落咗去，2019年11月時有人在單位整汽油彈，溶發泡膠會好大浸味，知道山雞會整啲嘢，會有啲味。呢個回答係配合警方。

在錄影會面中回答：「1月25日晚上七點幾，我應該都係準備約咗人出去食飯，我呢個時候應該落咗去食飯」。呢個答案係唔完整，七點幾嗰時做個煙花試驗，之後同D2，D3，華御結出去食飯，一個鐘後返嚟。之前係唔記得咁清楚，係靠警員畀相片睇，記返當晚嘅事，回答嘅大方向正確，小事有錯。

警員指出在1月25日21:04，D1~D3 在503室，D2 & D3 上1007室，落返503室，D3 揸住黃色膠袋，D3 揸住煎pan 內有啡色物品。D1 回答當日有接過佢哋，有出出入入，唔知佢哋搞咩，同佢哋講要用就用，自己會夜晚先返，佢哋整任何嘢我都不在場。

警員展示九十二籤訊息，提到魔法頻道學院，D1 稱營運人係旦丁，係D1 嘅中學師弟，即係證供中嘅阿蛋，D1 解釋當時繼續回答係因為懷疑4081 嘅保釋承諾，想試一試13024和4081，講一啲佢哋有興趣嘅訊息，就係魔法學院和旦丁嘅事，試吓講完之後佢哋會唔會收貨，同佢哋講我唔清楚，無見過真人，只係聽過佢個名，純粹知道網上有個咁嘅人。
呢個說法唔正確？因為同4081 有交易，唔會講咁多嘢俾佢哋聽住。知道魔法學院有收民眾捐款。

[10:34~11:03] 休庭

📎阿蛋嘅安排
律師問在錄影會面講咗咁多，點解唔將你同阿蛋的安排講出嚟？D1 回答有考慮過，因未確定到4081 嘅交易是否成立？畢竟阿蛋喺自己被潘書韻起底時幫咗唔少，阿蛋代自己參與討論，無做任何計劃，唔知應否將佢捲入呢件事，所以之後嘅錄影會面都無講同阿蛋嘅安排。

在錄影會面中D1 否認警員嘅指控，係九十二籤原駐人，稱起晒兩部電話，自己都唔係admin，聽山雞佢哋講Admin在外地，D1 稱到時感覺到13024唔想淨係講山雞，就認同佢嘅講法，跟住講：「其他嘢我全部唔知，我合作㗎，好多嘢唔知就唔知」，覺得呢個係13024渴望自己講嘅答案。

14343 提問：「你提及過山雞有份參與計劃，嗰啲爆炸品」。D1 回答佢無同我直接咁講，只係推測，擺咗咁多嘢，我亦唔想問咁多。D1 補充答案部份正確，唔想知咁多係真，但亦想知道動向和將會發生咩事。D1 稱山雞曾經用過山雞做TG 名稱，但會改名，同意陳官指出TG 用戶名中無山雞，只有在通訊內容中有提及過山雞。辯方律師補充，在睇過咁多嘅通訊群組中，無山雞呢個用戶名。

📎畀(503)鎖匙
D1 稱在2019年10月去意大利長途旅行兩個星期，所以交低鎖匙俾佢哋囉，一路無收返。陳官🗣️點解會去意大利兩個星期。D1 解釋因有釣具生意，同埋潘書韻都想去，初時一齊，後來分開咗。

📎明愛
D1 在錄影會面中「只係俾單位佢哋，無參與任何計劃，你話佢哋總之明愛醫院嗰度有個炸彈爆炸，佢哋放炸彈係25或26號，明愛醫院爆炸喺1月27日02:31時，咁呢單嘢完全唔關事，因為當日同女朋友食飯返嚟」，呢一段有錯誤，記錯咗有一晚同D7 上503 食飯。講瞓到第二朝中午，又記錯時間，係曾經發生過，但時間有錯。

強調只係租單位無參與做任何嘢，在1月28/29日才發現503室有化學品。

做完第一次錄影會面，D1 問13024 配合咗做錄影會面，保釋點安排？13024 話搜完屋先啦。到清晨六點幾，較早時到場的律師又到咗，與D1 會面，有同律師講做咗錄影會面，律師無跟住去搜屋。

13024，14343，4081 帶D1 去搜屋，在車上，D1 偷睇到身邊警員的電話，有一個WhatsApp群組叫獵鷹行動，見到一句說話「叫兩個犯屈咗其中一個做主謀先」，當時嘅諗法係警方想在其他被捕人士口中攞料，覺得唔係好關自己事。

去到503室搜屋，入一入去就出返嚟，因為已經俾人搜咗，無人講過搜到啲乜嘢，之後返青衣警署，問過一名軍裝警員，問拉自己隊人喺唔喺度，有嘢同佢哋講，軍裝警員回覆佢哋唔喺度，晏啲先返。

[12:16～12:46] 休庭

📎第二次錄影會面
於3月8日16:08至16:45進行，13024梁家俊由羈留室提取D1並帶去錄影會面房間，14343李栢謙之後也入房。13024話之前第一次會面講唔涉及D4講得唔係咁好，比D1再講多次。

▪️再次澄清D4不關事
昨日第一次錄影時有關明愛醫院爆炸案，警誡時候自己答個炸彈係家俊整是溝通誤會，再次講警誡後因誤會警員發問而咁答，重申D4不涉該案整炸彈。

▪️其他澄清
會面中D1指作晚3月7日飲咗酒，同埋有啲慌張，講咗話503室啲嘢是山鷄存放化學品也是不正確，根據呢個星期作供應該是Rachel，當時咁樣答因為警察俾咗啲相睇及受警察言詞話山鷄同夠鐘講名隊咗你出嚟，無意識下而講咗山鷄。

D1向辯方大律師指呢幾日庭上作供關於1月25至27日的說法才是正確，意思如內容同錄影會面答案如果不同以D1庭上證供為準。

警員出示數張宏創方CCTV截圖
🌉圖片28 ：
1月25日19:48時，宏創方5樓CCTV圖片，錄影會面首次答唔知圖中一名男子叫咩名，之後講可能是金鵬鳥，今日再睇返圖片應該係華御結（TG名叫大鵬金翅鳥(華御結)神獸），對佢印象唔深刻，只在1月25日上過503室。
🌉圖片1
1月25日21:25宏創方5樓CCTV，D1當時指夠鐘喺同山鷄上10樓攞嘢果個，估計佢嗰日落返嚟503室整炸彈，自己其實唔知佢哋嗰日做乜嘢。
🌉圖片3
1月25日21:26時，宏創方地下CCTV，D1指陪好高果個女仔落地下食煙，當時答女子是Vivien。
總結1月25日上過503室有五個人（華御結、大隻仔、山雞、夠鐘改名同Vivien)

而錄影會面講明愛爆炸案唔關自己事，佢哋上過嚟揾嘢，D1無負責製作，也全部無接觸過。當時佢哋上過嚟揾野只是自己估計，無親眼見。

📎山鷄不涉明愛案
今日澄清會面中說返到503室聞到氣味，其實係指2019年11月時候聞到Rachel上503室用發泡膠加電油整汽油彈產生氣味，第二次錄影會面當時答估計係製作過程出咗啲味道，D1話同山鷄投訴過是不正確。應該係同Rachel投訴，講山雞係為咗配合警察講法，實際不是山鷄。

之後D1再講自己宜家拍緊拖，如果整到單位烏煙瘴氣，搬走算啦，所以早幾日租咗個新單位打算搬走。上述除咗租咗個新單位唔啱，其他都是正確，當時只是落咗五千多元意向金，並未正式簽署租約租那個單位。

接着會面D1指氣味好似臭雞蛋答案也是不正確，當時自己對濃烈氣味只想到臭雞蛋，實際味道應該係電油氣味。

至於D1在第二次會面中答警員503室點解會咁臭，可能山鷄整咗啲嘢純粹是D1估，因為借比阿蛋的電話內見到燒嘢片段。而提及山鷄在503室溝過啲粉一齊亦只係自己見到玻璃樽內有粉末而估計，無親眼見到溝粉。自己錄影會面答錯係估13024想自己咁答。D1補充當時心態是13024在澄清D4唔關事後仍然不停問咁多，懷疑是否警方唔會答應保釋，於是自己根據觀察作出推測希望提供更多資料作為籌碼向警長4081爭取可以保釋，所以再講多啲嘢。

[13:46] 完庭，案件押後至星期五(2/5) 08:45繼續。

#高等法院第七庭
#陳仲衡法官
#20200307爆炸 #審訊 [133 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾61個月；D7 已還押逾37個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

[08:58]  開庭

▪️D1 案情，D1 作供
🔸辯方主問
環繞錄影會面內容的說法作解釋及澄清，推翻被捕後錄影會面時向調查警員講出之部份內容。

📎繼續第二次錄影會面
▪️澄清山鷄及夠鐘改名
D1向警員指見到山雞在窗口近沙發嗰個位，在橙色部機前面倒粉，今日庭上更正是錯誤，是見到嗰個位置有粉末而估計曾經有人響嗰度倒過灰色粉。而答琴晚(3月7日)見過一次山雞同夠鐘改名兩個將啲粉末倒落一個甖也不是D1親眼見到，解釋只係因為被帶回503室搜屋時黑色行李箱打開咗，見到有啲粉末而相信曾經有人做過，加上3月7日見過2人在503室而自己推算係佢哋。

至於之後答3月7日晚上七點幾上去503室見到夠鐘改名及山雞問「你哋整緊嘢，我走喇，我今晚book咗酒店瞓」，D1指這句話同樣唔正確，自己當時太緊張表達錯，當時意思係想問「你哋有嘢搞，我約咗人走啦」（當時確實約了Vivien晚餐)。陳官🗣️即刻指示再播返一次會面睇吓被告係咪咁神態緊張...。D1對謄本寫上503室有人問「你會唔會再返嚟？」，首次回答法官冇聽到有人講，然後改口說記憶中有人講。陳官🗣️再問為何改口？D1解釋因法官問而勾起回憶。

會面中D1講經過明愛事件之後，知道佢哋有啲危險爆炸品，自己扮睇唔到，唔想參入事件。這些話正確，佢哋係話緊Rachel。

而話山鷄及夠鐘改名2人在室內測試爆炸品是根據廁所板痕跡同味道估計推算也不正確，D1只見到廁所板燒焦，記錯聞到爆炸品味道。回答警員山雞喺「烘焙群組」發出過503室廁所燒嘢片段也不是事實，應該是想講阿蛋在酒吧比自己睇過羣組果段503室燒嘢。會面時向警員指3月7日晚上七點見到夠鐘改名同山鷄2人上503室是正確，同意庭上播放CCTV後確認Rachel也有入去。

▪️跟進警長4081劉永旭交易協議
第二次錄影會面完成後13024去熄機，片段見D1突然問14343「點啊阿Sir」，D1解釋咁問係想提醒一下早前警長4081劉永旭承諾合作保釋交易協議，但警員13024梁家俊熄機後好惡咁拍枱話D1陰佢，問「係咪想再俾人踩春袋？」，之後警員14343李百謙講「你攬家俊冇用，佢隊咗你，要唔要我播俾你睇？」D1答「唔信你，你播俾我睇！」。之後其中一位打開手機WhatsApp獵鷹行動群組比D1睇，一邊說「其他人隊咗你做主謀，你唔講番其他人，唔好話家俊，你自己都保唔到！」

📎第三次錄影會面
是次原本是調查1月28日深圳灣案，但D1提及明愛醫院事件，探員於是集中問明愛事件。

▪️訛稱山鷄借單位及有份
D1更正會面答1月25日開始借出503室比佢哋不正確，如早前作供所提及2019社會運動時已經開始借出503室比Rachel，會面講借比「山雞」整炸彈係因為警員出示獵鷹行動訊息知道山雞話五飛（即D1)威脅逼佢做，D1覺得好匪夷所思咁俾人話威脅佢，盛怒下咪講返喺山鷄借單位整。

之後D1分別以記錯、從示威公海訊息收風推算、嬲山鷄屈自己威脅佢而屈番山鷄，推翻錄影會面指山鷄參與製作爆炸品及其他行為。

而答明愛事件發生時D1指自己在503室瞓也不正確，根據CCTV當時自己出外，錄影會面時記錯咗。庭上再澄清沒有在單位見過其他人製作炸彈，當時僅懷疑有人在製炸彈，又稱在錄影會面的意思是山雞同夠鐘改名借用他的單位期間，D1在瞓覺不清楚兩人何時出入單位，亦不知兩人是否有製作炸彈。

警員跟進明愛醫院，D1答知佢哋整緊啲嘢，自己成日話比個地方你嘅啫，唔想參與任何其中。今日D1更正只係因為早前見過警員比自己睇圖片資料懷疑佢地在503室「整嘢」。而回答警員山雞在Telegram是「一枝弓」是D1自己記錯，TG同佢聯絡嗰個名應該係「一枝半弓」。話山鷄製作及放置明愛炸彈純粹自己估計，指佢喺群組認「我放㗎，搞掂咗喇」，也只是阿蛋講，自己冇見過訊息。

會面中指另一位同山鷄去的「羅師傅」也是聽阿蛋講，話喺群組親眼見到是作出嚟，想加強保釋交易說服力。但D1同意在2019年11月見過羅師傅本人是真確，他在社運圈很出名。接著會面講1月27日前見到煎pan有啡色物體煮過，D1更正記錯咗，應該是明愛爆炸之後二月中才見到。話夠鐘改名有份幫手製作也只是D1自己估計，其實冇見過。而橙紅色電線事後才知是電子火柴，澄清也是2月才在503室見到。

📎第四次錄影會面
這次是問及深圳灣案件，D1補充完成第三次錄影會面後，警員13024及14343不停講深圳灣係你哋做，覺得佢哋屈完自己做主謀又屈埋深圳灣爆炸案，覺得要澄清所以願意再做錄影會面。陳官🗣️幾次錄影會面中所見警員從來冇話過你係主謀，但你自己主動澄清自己不是主謀？D1同意。

📎第五次錄影會面
D1指第四次錄影會面後開始疲累不適，因較早前被警員㩒頭撞向枱面感到疼痛，自己在在會面很多時低著頭。錄影前D1有問林偉亮警署警長及警長4081劉永旭話自己咁合作，咁保釋點樣？警長4081劉永旭回覆講保釋前有其他嘢同你講，佢話同案「夠鐘改名」都講埋你係主謀。另一警員拿出電話展示獵鷹群組一啲手寫資料見到寫「五飛威脅幫手運炸彈」。14343李百謙再講唔使攬家俊，佢根本係「老豆搵仔」Admin，D1答唔係。

林偉亮警署警長繼續問識唔識得一個女仔叫椰絲，D1答唔識，林再講「同你飲酒嗰條女呀，我哋知佢去羅湖放炸彈」。林同時拎出一張宏創方地下CCTV截圖見到一女子食煙相話就係呢個女仔，D1講都唔關佢事，林回答咁咪開機再錄影話唔關佢事，D1於是同意進行第五次錄影。

D1指此時因林偉亮及李百謙多次屈自己威脅其他同案放炸彈，相信警察唔會履行保釋承諾，亦想做呢次錄影會面去澄清自己冇做。

D1回答警員適合會面及不需要律師在場，D1解釋頭痛及疲累但想處理指控威脅其他人放炸彈所以答適合。而這時不知已經有律師前來，同意完成第五次會面之後有接見律師。

▪️澄清夠鐘改名、叉鷄飯
2月2日15:50時羅湖站爆炸案的細節，D1會面時指夠鐘改名在一個群組稱想放炸彈迫使政府封關問能否幫忙，D1澄清不正確，咁講係因為警員出示獵鷹群組話夠鐘改名屈自己威脅佢及說自己是主謀，D1於是將社運公海群組收到風有人做講成係夠鐘改名做。澄清涉事的群組只是推測已被刪除，因為阿蛋講啲人通常會犯案後刪除群組。

由於阿旦向他展示「五飛」參與的群組訊息，所以得知許多爆炸案的資料並在錄影會面時訛稱D2及D3參與，屈番佢哋，報復2人講自已係主謀。

會面時D1指2月2日去了粉嶺梧桐河釣魚，有個叫「叉雞鈑」女仔有份參與羅湖炸彈案打電話問自己出唔出九龍食飯。D1澄清以上皆不是事實，只是「阿旦」話一個名為「叉雞飯」的女子做過哨但他不知道是誰。D1解釋因為錄影會面開始前，警署警長林偉亮不斷話叉鷄有份去羅湖放炸彈要求D1指證，證人冇諗住配合但係又唔敢太過完全唔講嘢，因此編作故仔話叉鷄飯打電話來約食飯假裝配合。

陳官🗣️你都話警察唔會履行比保釋承諾，為何仲同佢哋合作？D1帶怒氣話「唔信佢哋，唔代表佢哋唔會再打我吖嗎！」

[13:45] 完庭，案件押後至下星期二(6/5) 08:45繼續。

#高等法院第七庭
#陳仲衡法官
#20200307爆炸 #審訊 [134 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾61個月；D7 已還押逾37個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

[09:03]  開庭

▪️D1 案情，D1 作供
🔸辯方主問
📎推翻第五次錄影會面說法
D1會面中答喺群組得知「叉雞飯」去羅湖做哨，澄清自己只是從一些示威公海羣組傳聞得知而作個人推測，強調不是警方所指涉本案之TG羣組知。傳聞是有個叫Vivian的人做哨，自己不識呢個人。自己在2019年12月頭識得有個朋友Vivien改咗TG做「空姐叉雞飯」名，加上林偉亮警署警長俾過Vivien相片話呢個女仔去過羅湖站放炸彈而聯想同一人所以咁答。代表問為何林偉亮話楊xx/椰絲去放炸彈自己卻答做哨，D1解釋是表面上配合。陳官🗣️林偉亮叫你圈出圖片中做哨的叉鷄飯而唔係叫你圈出認識叫叉雞飯的人？D1同意。陳官再追問🗣️會面中林偉亮從來冇指呢個女子叫楊xx(D5），為何剛剛大律師問林偉亮楊xx時你又答，不更正？D1指剛才聽錯咗。D1向代表律師確認多一次自己認識的Vivien並不是「叉雞飯啊屌你老母」或「叉雞飯阿陳」。

另外會面話「夠鐘改名」於1月31日問2月1、2號想上503室整嘢得唔得？D1更正是不正確，咁講是因早前知佢屈自己逼佢放炸彈加上知道警方掌握咗2月1日出入5樓閉路電視，因而將果晚D3佢上503室傾口罩生意訛稱成錄影會面出現版本，佢哋上嚟先自己瞓在床上冇見到過程，話2月1日晚「阿蕉」上嚟同「夠鐘改名」一齊整電子野也是自己記錯，嗰陣時身體不適同埋疲倦搞錯咗日子。而會面講2月1日有拍卡比兩人上503室也是不肯定，自己係講緊平時一般情況。

解釋稱「阿蕉」的人早在第三次錄影會面已經提及，其實叫Macro即D8同D2上503室，因同D8不熟，佢上嚟見過一兩次都係食香蕉，警察問話時記不起佢個名而作了阿蕉去滿足警員問題。之後指出見到阿蕉同夠鐘改名在2月1號上嚟整電子嘢，拎住塊兩吋長方形電路板也是撈亂了，加上「夠鐘改名」屈自己，D1便零碎片段拼湊成夠鐘改名及阿蕉做，自己見過有1503室整電子嘢，但應該是「華御結」上去503室整IP錄影鏡頭，確認法律代表D3及D8兩人在2月1日冇喺503室整過電子板遙控器。

陳官🗣️向D1確認錄影會面同庭上口供分歧原因包括1）人哋屈你，你就屈返佢；2)聽回來的傳聞去推論；及 3）以及他疲倦和不適？D1全部同意。

2月2日D1凌晨起身落樓，夠鐘改名尾隨是正確，但話佢拎個一呎×1尺紙袋裝到2支好大支1.5公升洒是記錯。錄影回答夠鐘改名喺群組話封關，所以去羅湖或者落馬洲放炸彈不是正確，只是公海群組有人咁講而自己推測屈佢做。

接住回答503室見過一樽樽灰色粉是正確，但日子是去完泰國旅行約在二月底，而不是錄影所講羅湖事件發生事件前。話夠鐘改名同阿蕉佢哋整電子板做遙控也是自己睇過新聞估計而講。

向警方說肯定喺「夠鐘改名」搵人去羅湖放炸彈，D1指是自己推測再講多次，唔想警察再問，想盡快搭完去醫院。D1推翻會面中自己進一步指「夠鐘改名」好似一個主持人咁，「叉鷄飯」同另一個叫「中立撚」的人一齊去做哨，以上只是公海群組收到情報自己再去估計，自己唔會相信有人會搵個女仔去放炸彈。D1繼續補充羅湖事件，自己冇參加，夠鐘改名冇搵人去放，話佢同阿蕉利用自己單位整電子儀器都係唔正確。

▪️錄影會面精神狀態
代表播放3月8日片段約20:09時見D1頭部側向左，D1指當時好痛好疲倦，其實在第五次錄影會面以前已經話想睇醫生，但警員話有人指自己威脅去運送及放炸彈，D1覺得唔繼續進行錄影會冇機會解釋，所以寧願咬實牙根捱落去，早啲完成早啲去醫院，再者也擔心唔合作會再警員被打。陳官🗣️再次指出會面中D1從來冇去主動否認威脅其他人，D1再次回答話自己唔關事已經係呢個意思。

D1會面中被問到控方案情1月25日503室內有人整炸彈，之後2月1日將炸彈交D3及D8，最後交D5及男子唐XX（即中立撚），D1指2月1日當時是自己及夠鐘改名落街，確認夠鐘改名就係本案D3，他去交收豬嘴，自己則去士多買酒，會面時話自己入過楓樹街球場廁所其實係自己記錯咗另一晚，相片圈出夠鐘改名就係D3亦源於警員比相片前早已向自己指出而跟住咁答。

▪️繼續推翻錄影會面口供
向警方確認D4有個TG名叫「Pussy」是記錯，2019年12月被起底前佢改過名叫Pussy Tap」，自己撈亂咗，D4不是Pussy。自己話「人血饅頭王」是「阿蕉」（即D8）亦都係講錯，當時好多人改名叫人血饅頭，所以撈亂咗。

向13024指叉雞飯在羅湖爆炸案做哨，今日解釋過是有朋友Vivien在電話簿中設定了叫「叉鷄」而撈亂了。陳官🗣️問為何錄影會面時講識得Vivien係2019年七八月時，庭上之前版本話2017、18年在蘭桂坊飲酒時識？D1答係因為錄影會面時身體不適記錯咗，庭上作供版本先至係正確。D1進一步補充識Vivien時是做空姐，並非秘書，所以錄影答佢做秘書係唔正確。而TG中自己提及秘書姐姐又是另一人。

錄影會面中話2019年8月武術交流時認識「阿蕉」係正確，但答佢有份整羅湖案炸彈不正確。

在警方錄影會面時出示相片三及四後D1指內有粉末玻璃樽同一個白色樽蓋在503室見過，是山鷄拎上503室，2月1日晚阿蕉整緊遙控電路板也全是不正確，以上全是自己根據公海消息估計及推測。

對於自己在警方相片9上圈出及寫上一名女子叫Vivian而不是作供講Vivien，D1解釋是記錯而寫錯。而相片10上圈出2月2日街上CCTV拍攝男子是夠鐘改名同意是正確，但錄影會面時講佢離開單位拎住個紙袋係唔啱，庭上再播放CCTV，見到D3兩手冇拎住紙袋。

503室單位會面中同警員講會3月租約完搬走，D1今天更正當時想同Rachel分割搬走，唔俾地址佢，但租約是過兩個月先至完，同警方講三月係因為打算用按金抵銷剩下租金。

另外1008室向警員話山鷄透露放咗好多嘢冇位置再擺其他嘢，D1今天澄清唔正確，應該係Rachel講定阿蛋𘍭告，自己記錯咗喺山鷄講，但自己好耐冇上去1008室是正確。

🔺代表估計應該仲有大半個鐘可以完成主問。

[13:44] 完庭，案件押後明天(7/5) 08:45繼續。

#高等法院第七庭
#陳仲衡法官
#20200307爆炸 #審訊 [135 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾61個月；D7 已還押逾37個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

[09:02] 開庭

▪️D1 案情，D1 作供

🔸辯方主問
📎第五次錄影會面
答503室唔再租，D1提議Rachel佢哋另租地方，自己有直接講及托阿蛋轉告Rachel。同意當時也知「山鷄」想另找地方不租1008室。自己在明愛事件之後已經估到Rachel身邊的人涉爆炸品案，所以2月3日見到Rachel同佢講遲早玩到咁危險，你哋出去租個單位好過。「你哋」指Rachel及身邊上過503室的人。警員之後問及D1個人工作及個人私生活。

D1再次補充自己只係收租俾個地方佢哋，佢哋（指Rachel及上過503室的人包括D2)越玩越危險，想同佢哋割蓆，唔想理佢哋，D1想搬返去天台屋。聽過山雞的1008單位亦有計劃想搬走，諗住過埋三月大家和平分手，以上回答全部正確。問為何容許在503室試爆炸品，D1指始終因佢哋有俾錢，有權用單位，佢哋整嘢自己就會離開，由1月25日至2月2日自己在場時，去過503室的人都懷疑同爆炸事件有關。D1確認從來冇參與佢哋計劃，沒有參與控罪一及二的串謀行為。

📎接受治療
D1同意3月8日錄影會面後20:49時接見咗律師，要求睇醫生。當時因為早前被警員襲擊頭部撞落枱受傷，出現頭痛、頭暈及好虛弱冇力。被送去瑪嘉烈醫院，留醫到3月13日出院，有接受眼科及腦科醫生檢查。之後懲教看管下自己要求食止痛藥及去明愛醫院睇眼科，自己同醫生講左眼後神經痛，處方止痛藥，期後覆診兩三次。但自己表示情緒激動或出現大光線變化會有神經痛。D1確認最近一次眼科檢查一切視力正常，之前因為有散光同近視需要配戴眼鏡。

📎3月6日大快活同阿蛋見面
呈上早前證物相片D1-8，D1同意為大角咀港灣豪庭大快活餐廳，雖然相片在今年拍，但環境同2020年3月大致差唔多，指出當日同阿蛋交收自己金色iPhone SN46 所坐位置。

-完成主問-

🔸D2代表盤問
澄清證物中發電機在作供時指應該是加壓機，2019年11月由示威者搬上去503室，唔記得D2有冇份搬。由於要用氣樽爬渠入理大，當時有其他示威者使用呢部機器幫氣樽加壓比D1用，同意自己冇用過及唔知部機器有冇其他用途。

D1同意有將503室鎖匙及IC門卡比過D2以便自己唔記得帶時有人幫手開門，當時其實503、1008及1009室3個單位的人互相安排持有其他單位鎖匙，目的是方便大家出入。

同意D2是在自己搞的聚會中認識Rachel，D2出入503室同Rachel租用或資助503室租金完全冇關。

同意被捕前冇認知租用1008室的人叫「山鷄」，平時稱D2為阿鷄或裝修佬。確認2019/2020時宏倉方503、1008及1009室都是安全屋，亦作存放示威裝備倉庫用途，其他人可以出入及存放物品，D1自己不知1至3月時有咩人出入1008室。D1用的示威裝備會放在503室。同意承認事實中1008室物品除8件防彈背心冇親眼見過，其他均是見過的示威裝備。

確認作供講D2在TG用「山鷄」呢個名係自己記錯，同意自己從來冇親眼見過D2本人或同任何人在503室做以下事情：
1）將啲粉溝埋一齊
2）將玻璃樽放入503室
3）煮炸藥
4）整炸彈、煙霧彈、汽油彈
5）測試任何炸藥

D1確認自己從來冇在1008室親眼見過有一包包物品，只係阿蛋通知Rachel有嘢放咗在1008室。因為見到警方獵鷹行動群組知道「兩個犯屈一個做主謀」及警員表示D2及D3屈咗自己，D1同意在錄影會面中所講D2行為是屈番佢。

D1確認同D2在2019年10月左右協議經營防毒面具及口罩生意。

🔸D3代表盤問
D1確認D2有夾錢做豬嘴買賣生意，D3有幫手但冇夾錢比自己，當時主要同D2聯絡，同D3唔熟唔係太多交流。同意Rachel可以透過自己向D2、D3買豬嘴。

D1不同意事前收到通知D3會在2月1日到503室同D8交收口罩。3月7日晚D3在503室等Rachel交收防毒面具和比錢，D1只確認D3有話等Rachel攞嘢，但不知道交易詳情。

🔸D4-D6 代表沒有盤問

🔸D7代表盤問
D1同意被捕後，當時女友D7會去還押院所探望，直至2020年9月因結束關係沒有再去探望。

代表指D1為咗追女仔, 巧立名目提出成立各個部門包括做哨，同樣在TG 比Freedom Hai和D7揀想負責乜嘢部門，其實是想搵女性做「哨兵」陪自己過生日，D1同意但稱只打算約D7，並沒有想過約Freedom Hai。

錄影會面時D1 共兩次講錯自己女友中文姓名，警員問他是否認識何xx（D7真名）時也答不認識。D1解釋係專登講錯名，目的係想保護D7。代表追問會面中D1卻講出D7真實生日，咪同保護佢相反，其實反而想拖佢落水？D1答呢件事絕對無可能發生，指因相信警方取得宏創的CCTV片段，擔心D7上過503室食飯會連累她，所以同警方講出生日期解釋當日她上去係慶祝生日。

錄影會面問到3月7日青衣站被捕, 同警員表示原本訂咗酒店同D7過夜。代表指出女友從未被通知有此事，D1確認當時未約D7，就算約唔約到自己果晚都會住酒店。代表律師質疑主問時D1作供話D7唔肯，D1今日答唔係咁意思, 只係自己主觀期望啫。跟住庭上再播放有關錄影會面確認D7大律師的說法。

[13:46] 完庭，案件押後明天(8/5) 08:45繼續。

#高等法院第七庭
#陳仲衡法官
#20200307爆炸 #審訊 [136 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾61個月；D7 已還押逾37個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

[09:03] 開庭

▪️D1 案情，D1 作供

🔸D7代表盤問
📎借女友過橋證不在場
跟進Telegram無名羣組，D1講3月7日訂了酒店想同女友開方只是自己想法，冇話比D7知。同意3月7日當晚在19:09見面取2包硫磺時都冇提及。確認D7當時有同自己講3月8日要交中期功課唔得閒，而酒店是托朋友訂。

D1解釋錄影會面答晚飯後攞化粧品比女友意思只係在山東餃子店時計劃想買支唇膏，之後旺角行咗陣但最後買不到，覺得第二日再搵反正D7忙功課不得閒。此化粧品同食飯時Vivien交自己袋代粧品無關。D7代表律師質疑當時疫情食完飯九點幾仲有店舖買到？D1表示不清楚。同意當日任何時間都冇對D7講過買唇膏俾佢。

D7大律師指出D1知道3月8日女友忙交功課不可能3月7日去陪D1，質疑D1所謂訂了酒店開房在翌日再去釣魚主要是自己個人避風頭，去開房是大話。D1只同意冇告知D7去開房及自己避風頭，這只是自己個人想法。

D1同意D7在陪自己去泰國之後同前男友分手，D1同意兩人去完泰國便正式成為男女朋友。回答法官還押時D7探過幾次後感情淡咗，2020年9月後冇再探自己視為分手。

D7代表呈上12頁Facebook截圖，當中有503室煮嘢食及飲酒圖片由D1發放，D1確認主問指D7去503室多次其實只去過三次，第一次在1月27日19:14時2人煮飯補慶祝D7 1月26日生日，D1也同意D7正日同男友𚊴祝所以不會和自己一齊。同意當晚2人只係503室內飲酒食嘢（如FB圖咁)沒有提及炸彈的事宜。對於做錄影會面警員問1月27日凌晨2點幾做咩？答同D7在503室煮嘢慶祝生日承認自己搞錯，應是1月27日晚上，因錄影前被警察毆打，冇得瞓加上長時間錄影狀態差。絕不同意D7律師指自己刻意搵D7過橋證明冇參與明愛事件，D1講當時係講出自己內心渴望嘅事情，希望令氣氛緩和，如果講到將當時自己嘅女朋友用嚟過橋，呢件事絕對冇可能！

📎鱷魚淚
不同意D7代表話4月15日庭上主問提到Freedom Hai可能相信「搣時潘」誣蔑自己，開始疏遠冇回應似乎眼濕濕，D1確認當時激動但冇落淚。而4月17日TG話唔想拖D7落水時庭上除下眼鏡，激動流淚，D1同意但指不是鱷魚淚（律師指為施害者對受害者被害流淚)。

同意錄影會面時自己提過D7話503室有味，今天澄請只是自己在單位聞過汽油味代入女仔想法而咁講，確認D7第二次及三次上來在2月27日及3月1日晚上每次均逗留了接近7小時，三次上來從冇對自己話過聞到/投訴503室有異味，而她上來時室內亦冇放任何爆炸品或化學品。

📎情緒勒索
D7代表呈上D1 Facebook貼文，D1在2月15日送了情人節禮物比D7揸住，D1指做法是宣洩主權，否認叫D7用呢張相作社交媒體頭像，情緒勒索對方意圖操控D7社交媒體。但同意自己利用社運經歷去追求D7，令佢陪自己多D。

五飛同珀斯光輝1月28日（明愛爆炸翌日)對話，D7揀做文宣工作，D1 講「你唔做陪我」，D7回了個不做emoji，D7代表律師指D1繼續發言苦纏。D1同意自己當時大部份心思花在追求D7，用咗唔係咁好方法想佢陪自己多啲，但唔同意係情緒勒索。D7再舉例子2月15日送了一隻粉紅色兔仔公仔比D7做情人節禮物在草地上拿著拍照，之後傳圖片叫D7設定做社交媒體profile picture，D1答唔記得有咁做。另外2月28日D1在公司FB貼上一張3月6日出海chok屎桶報名表，自己替女友報名，同意律師指行程正確，但唔記得自己有冇事先問D7，但指平時也會填上朋友名字預留位，朋友唔一定去，也不同意這是情緒勒索。

📎相識背景
同意代表律師指2019年9月在一個board game聚會認識D7並在Facebook加為朋友。12月D1被「搣時潘」起底後以私訊同D7講好唔開心想搵人傾偈，之後提議2人改在Telegram聊天。主問自己講起底後D7相信自己，有時幫手買吓嘢食同意只係D7佢會買啲外賣，放喺宏創方地下並冇拎上 503 室。

之後D1前妻在「搣時潘」FB留言爆D1已婚同有一個女。D1同意但強調2人分居多年並指記憶中有見過留言但好快24小時內被刪除。而2人第一次單獨約會同意是1月1號去大帽山行山，D1講自己有涉及警察行動，提出想整煙彈嚇啲狗，D1答只是將公海群組聽到行動對D7講。而行山時對D7講過植物「夾竹桃」有毒，可以取其毒液放箭頭投射警察。D1指是炫耀學識講過有啲植物有毒性，世界其他地方有人塗在箭頭用，但冇講過用嚟對付警察。同意D7行山聽咗只係答「哦」，確認D7 從來沒有在其他涉案的群組參與討論。

📎其他澄清
Telegram「五飛」同「Freedom Hai」2019年11月對話提及去理大爬渠因GPS訊號問題失去聯絡，D1更正應該係電訊商訊號問題。D1同意事後同D7講番呢次因sim卡冇入錢，因而庭上TG出現D7對D1講「今次記得Sim卡入錢」。

確認同D7共同興趣包括賭馬同打機如Bio hazard生化危機系列遊戲，因此有時討論會提到遊戲中常見武器-煙霧彈。

D7代表更正D1主問時五飛講可能出去做護衛反捉鬼，D7答「醒」，D1理解是讚自己醒目，今日同意D7律師指按上文下理應該是D7指自己剛「睡醒」。1月25日Alpha Force同5飛對話D1貼了一張「熱狗」鎖匙扣相講送咗比國師女信途。D1解釋女信徒是D7，國師是「熱血公民」前主要人物陳雲，當時是諷刺D7是個和理非。對於主問講過D7同時有2個TG名，同意大律師更正D7原用「墨爾本的翡翠」，之後改為「珀斯光輝」，D7同一時間只有一個TG帳戶。

而「珀斯光輝」TG 1月26日回應「五飛」話「可能炸埋-.-」時答「wow best b-day present ever」，D1同意「-.-」有不著邊際意思。理解D7當時認為終於有人做激進行動，只認同封關同罷工方向。代表再追問會唔會D7可能是源於D1情緒勒索影響而hea回覆？D1答當時感受不到，但D7再講加油係有少少 hea。

[13:45] 完庭，案件押後明天(9/5) 08:45繼續。

#高等法院第七庭
#陳仲衡法官
#20200307爆炸 #審訊 [137 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾61個月；D7 已還押逾37個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

08:50 書記通知有陪審員請病假，今日不開庭

案件押後下星期一(12/5) 08:45繼續。

#高等法院第七庭
#陳仲衡法官
#20200307爆炸 #審訊 [137 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾62個月；D7 已還押逾38個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

08:40 書記通知陪審員繼續請病假，今日及明天不開庭。而星期三至五早已有陪審員申請事假不開庭。

案件押後至下星期一(19/5) 08:45繼續。

#高等法院第七庭
#陳仲衡法官
#20200307爆炸 #審訊 [137 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾62個月；D7 已還押逾38個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

[08: 32] 書記宣佈又有陪審員請病假，今日不開❗️

案件押後至明天(20/5) 08:45繼續。

#高等法院第七庭
#陳仲衡法官
#20200307爆炸 #審訊 [137 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾62個月；D7 已還押逾38個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

[09:01] 開庭

▪️D1 案情，D1 作供
🔸D7代表盤問
因離開上次審訊超過十天，D7代表應法官要求重溫之前盤問重點。

📎5飛同Freedom Hai TG對話
2019年12月10日D1想約對方睇戲，對方說「殺咗頭隻狗先至慶祝」，D1答「好」，之後提出明天做。D1解釋是個敷衍回應，認為睇場戲啫，唔使咁大代價去殺狗（警），並指2019年大環境只要講做勇武行動便會得對方崇拜，較易說服其他人，比言語勸退示威者更有效。不同意陳官指對話可見自己認同對方殺警行動並提出日子，再次指出自己回答只是敷衍，果時三日唔埋五日啲人就話有咩計劃，之後就會取消。

📎同D7講煙霧彈
D1同意在1月1日至27日期間有向D7提過煙霧彈，唔記得有冇提過蛋糕，記憶中冇講過詳細製作同效果。同意D7無回覆任何關於煙霧彈的訊息，包括提及任何款式。同意有同D7提及遊戲「生化危機」內使用煙霧彈作驅趕怪獸，遊戲中只會冒煙不會爆炸。形容煙彈同滅蚤彈一樣，加水便會冒煙。

同意向D7談及煙霧彈並提出高鐵作為目標 ，D1記得1月27日或後有同D1講過炸高鐵、因明愛爆炸案後知道有人成功製造炸彈引爆，故用冷氣軍師的語氣同D7說如果我有呢一樣嘢，我會咁做啦。

D1也記得同D7講過遙控，是同IP cam有關。不同意自己冇同D7講過遙控同成人玩具及IP cam冇關。

同意2人拍拖時不知D7住址，不知住邊條街，送回家只送到附近。確認D7曾向自己埋怨前男友經常問自己借錢又冇咩時間陪自己、也同意冇向D7提及503室是示威者安全屋，同意1月27日D7上去503室時見到豬嘴同濾罐、印象中冇提及有人定時幫手執屋，D7上去前自己會執屋。

📎TG對話
1月25日至26日凌晨TG對話，知道D7在26日生日約了外國朋友，同意自己唔高興，因此講「我聽晚都有行動」的晦氣說話。D7問「煙霧彈」，D1覆「可能炸埋」，而之後D7回答「wow best b-day present ever」，這句D1同意D7只是為咗安撫自己情緒而講，知道自己是第三者無資格嬲。D1指自己唔肯定是否真係有呢個計劃，自己在1月19至25日前在公海群組收到風有人放炸彈迫政府封關而向D7提過。不同意D7代表指1月27日前自己冇向D7提過有人想放炸彈，自己說可能炸埋是吹大佢，也不同意庭上作供話相信煙霧彈只係燒乒乓波咁，D7對話是佢聯想大左是借D7過橋減低自己對煙霧彈認知。

同意1月26日2人對話「煮完嘢，一陣等人裝」是無頭無尾，講到好似有行動而D7係戰友拉近2人關係。同意D7代表指D7留言「記得SIM卡入錢」是因為同D7講過在11月爬渠入理大時電話失去聯絡的原因，佢提醒自己。

D7代表再指其實1月26日冇向D7發出過503室枱面上食海鮮相，也冇向D7講當時食物唔夠，D1不同意。

1月28日以TG同D7對話。D1問「我哋聽日有咩做」，D7反問「你唔係放蛋糕嗎」，D1答「上面咪有共識」、「因為想整亂佢條鐵路」。D7代表律師問是否打錯字，應該想問「上邊未有共識」。D1不同意，但認為「咪」同「未」不會影響，因為只係自己將公海群組聽返來的吹水向D7講到有行動，確認「上面」是指「一堆人未有共識攪亂個鐵路」，自己同D7彼此是沒有共識。

同意1月29日對D7說「明天行動取消」是指大三罷。又指「舊嘢爆唔到」，因同D7吹大咗有啲失望，而D7回應「Failure teaches success」，「at least not being arrested」，D1同意當時雙方也有負面情緒，D7回應的意思是最緊要人冇事。D1也確認向D7透露所有行動細節都是虛構，同意其實只想約D7陪自己過生日，D1指唔係想佢氹我，係想佢陪我。

同意知道D7賭馬贏過七八千元，自己1月時在TG發送過一個台灣整容醫師資料比D7，就如庭上所展示，當時知道D7儲了一筆錢想去台灣整容，已經訂咗酒店同機票，全部由佢自己出錢，D1打算跟埋過去，但D7之後冇成行，D7冇透露手術費用，但D1 知道做咩手術所以估到價錢。

D1轉發1月28日明報一則明愛醫院爆炸案新聞給D7，D7稱「睇圖又好似幾大威力」、「明明唔應該咁大威力」，再問「之後再炸就再炸膠鐵？」，D1曾回「啲狗都話威力細」。以上只是對新聞討論。D7代表指D7當時使用「炸」字眼，是同D1轉發明愛爆炸新聞標題的用字相同，並對當時自己說「我哋吹咗係關口，但應該會臨時改」，指將收風推算嘅嘢同D7吹水傾計。

[13::46] 完庭，案件押後至明天(21/5) 08:45繼續。

#高等法院第七庭
#陳仲衡法官
#20200307爆炸 #審訊 [138 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾62個月；D7 已還押逾38個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

[09:03] 開庭

▪️D1 案情，D1 作供
🔸D7代表盤問
📎D7對行動不上心、記錯日子
繼續TG對話，1月28日D1話「我都係叫佢哋睇下28號放唔放蛋糕」、「有啲隊友又覺得啱啱做咗一單好似好密」，D7回覆「你哋鍾意啦」。D1其後無啦啦轉話題「下次想睇你著過膝吊帶襪」，D7代表律師質疑D1扮唔開心試人底線、好有計算，向D7作性暗示，D1否認，解釋當時只係諗到咩就講咩，但承認出言調戲緊對方，可能係不適當。

D1之後發出深圳灣口岸爆炸新聞比D7，同意係冇鐵路去到，之後對話D7以為鐵路到。D1同意D7回答分工揀「文宣」代表一如早前Freedom Hai咁想退場，是hea回覆。同意此時2人關係密切毋需講行動D7也肯出來約會。例如話釣魚D7會講「求帶上」。問D1又發訊「而家睇緊地圖搞膠鐵」？D1答仍想扮有行動令D7出來幫下手。同意之後對話D7記錯日子講咗29號放蛋糕，應該是28號。不同意自己將錯就錯說「放蛋糕都要看鐵路的環境先」，因為根本冇咁嘅計劃只係吹水，但同意D7當時對自己所講行動唔上心。

D1說「落街食嘢」，D7問「今朝嗰個？」，D1回覆「唔夠呀」，D7代表指「今朝嗰個」係問28日早上深圳灣炸彈，她搞錯深圳灣有鐵路到，D1否認指兩人有語音通話講緊第二啲嘢，D7代表指這時段2人沒有任何語音通話，以上是講緊深圳灣爆炸案。其後D1轉發送名為「查記消息」比D7，D1指是從入境處朋友收到，提及前線人員對疫情有顧慮。同意從D7對話似冇睇內容，佢應該連92簽內容也似乎冇睇過。

📎炸車站視察vs釣魚
D1發送一張地圖並標示位置給D7，留言「軍營加狗屋」；當時D7回應說「想放果度？今日你去視察下先啦」。D7大律師指其實是1月28日黃昏約D叮7去釣魚的位置，D1確認當日2人去粉嶺梧桐河釣魚，同意上巴士前去了一間由D7補習學生家人開糕點店買榚點，對方送了好多糕點。

D1在1月28日再發言「明天行動取消唔夠人」，D7問：「糕點行動？」D1確認。D1同意大律師指D7混淆「蛋糕行動」，即是用發泡膠加入汽油彈，同意自己冇糾正因為件事唔會發生，無需care。也同意與D7對話不如freedom Hai做戰友般討論行動，D1同意1月28至2月5日對話有以行動作情緒勒索D7。同意知道D7有2部手機，不記得D7訊息叫「call鬼機」是代表叫自己打給另一部新手機。

📎借女友過橋
D7大律師質問錄影會面中答身上Samsung手機是諗住女友唔夠電話俾佢用不是真確，D1同意是隨口講，冇對D7講，其實打算將該機出街同D7作Wi-Fi分享。D1否認錄影會面咁講係想利用女友做藉口撇清自己Samsung手機關係，也不同意錄影會面提及比女友用是指另一名女友。

錄影會面D1也向警員表示3月6日在香港仔帶團釣魚後不見了部電話，D1同意從來冇同D7講唔見咗電話，也冇問過女友D7是否見到遺失之電話，因為自己相信留低在船上。但確認3月7日有問過上船團友有冇見過自己部電話。

📎William Wallace帳戶由來
解釋同阿蛋指示改名做5飛同William Wallace扮自己，William Wallace是同師弟阿蛋在中學時學校傳統睇電影看過Mel Gibson主演Braveheart，2020時覺得電影配合示威者爭取自由而取用該主角名字William Wallace，而頭象亦用了Mel Gibson。D7法律代表指自己讀同一間中學但不知道有咁嘅睇戲傳統。

📎D7認知william wallace就是5飛
同意去泰國時有同D7去拜四面佛，唔記得是順/逆方向（逆方向代表還神）。律師引述TG 無名群組對話中，WW：「件事成功咗去拜四面佛還神」、「佢同我去旅行嗰陣時未同前任分手，同日拜完分手」，陳官🗣️質疑D1作供話這個William Wallace 是阿蛋但佢冇去泰國點可以打到上面訊息？D1指是自己同阿蛋交代2人曖昧關係，阿蛋打出來擦存在感。D7代表大律師直指William Wallace其實就是D1本人，D1否認但同意D7認知「William Wallace」就是「5飛」即自己。

D1同意去泰國時冇向D7說專登離港行開、冇向D7說過503室有人整炸彈不安全、冇向D7說過有人夾租503室、冇向D7說過另租單位搬出去及冇向D7說過自己搬出去唔痴其他人。D1同意在錄影會面中向警方說出D7不知情，但否認咁講是想借D7過橋，以支持解釋同503室的使用者割蓆。咁同警方說係因為當時相信D7是被警方調查對象，故他把這些事情都說成和她無關會對她較好。

📎D1庭上不少口供並非事實
D7代表指出去泰國時D1從冇向D7坦白講想追求她而扮有行動、也從冇向D7表示已婚及有女兒，同作供不符，D1否認。但同意從冇向D7提及阿蛋扮自己，冇向D7講同其他人共用William Wallace 帳戶。

3月6日TG中D7問「會不會考慮用化寳盆」，D1作供稱因她見過厠所燒焦痕跡，故建議用化寳盆，D1不同意大律師指出D7從無見過厠所燒焦痕跡只因D1回答法官提問時「順水推舟」屈D7見過厠所燒焦痕跡。D1話廁所燒焦痕跡不是試爆炸品造成，D7去過503室厠所，相信她必定見過馬桶板的燒焦痕跡。

3月6日William Wallace在TG發訊息「租一晚時鐘酒店算」：D1同意出文時未返到503室，但知已經有人在燒爆炸品會有味所以租酒店，但冇諗過搵D7一齊去。D1不同意自己借題發揮想測試同D7去酒店的反應。

📎3月6日事情
🎥3月6日香港仔蔘茸店CCTV
D1同意D7代表指出案情：D1經過舖頭然後折返入去，自己同D7講「入去買啲嘢」。D7在門外等侯玩手機，聽不到店內人士對話。D7曾入去問搞店未，入去時店員或D1冇講過枱上黃色粉係咩嘢。D1不肯定買完上船時D7問過買咩嘢咁急？但確認自己同D7講過同朋友買硫磺。

🎥3月6日美荷樓CCTV
D1同意片段中自己同D7翹住手行上去，記得D7有D醉，但不同意自己當時清醒，自己都有飲醉行路時有左搖右擺，但不是自己最醉程度，當時自己飲醉但認得身邊人有誰，知道自己去邊度同做什麽，集中不到去聽別人説話。

同一片段幾分鐘後D7手持膠袋自己落山。D1確認D7冇入公園休憩處，只送自己到門口石級位置並交低魚桿便離開，袋內是當晚魚耯。3月7日凌晨00:15 D7發訊返到屋企。D1之後講「狗狗為香港做咁多高險嘢，你會唔會唔鍾？」，D7答「唔會，點會咁諗」。代表指D7回覆源自D1以行動情緒勒索D7，D1否認，同意是想比D7知自己因身邊有人做危險嘅嘢，亦想到11月理大爬渠事件會可能被拉而咁講。

D7代表指出3月6日及7日兩人有情趣對話，D7拒絕D1要求，所以D1訂了3月7日晚酒店同另一位女友開房，D1不同意。

[13::45] 完庭，案件押後至明天(22/5) 08:45繼續。

#高等法院第七庭
#陳仲衡法官
#20200307爆炸 #審訊 [139 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾62個月；D7 已還押逾38個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

[08:55] 開庭

▪️D1 案情，D1 作供
🔸D7代表盤問
📎TG無名群組對話
同意與D7相處期間，有提過自己教武術、兵器，不記得對方曾嘲笑自己咁叻開YouTube教人。對於律師引述TG無名群組william Wallace話「我女朋友叫我開youtube教，我話你痴撚線」，D1指是阿蛋講佢同女友，不是扮緊D1。D1知道阿蛋也識武術、兵器。陳官🗣️追問早啲嘅訊息William Wallace說「我6月已經開始教緊」同D1庭上主問話自己19年已經開始教吻合？D1回答6月嘅時候未開始教，而且自己教武術同抗爭無關。

D7代表引述TG無名群組3月4日William Wallace：「老隻：護衛/放，女友：哨」（D1在社運界人稱老隻）。D1指是阿蛋扮緊自己。相信佢以為D1女友可以做哨，冇經自己同意而打出嚟。果時可能阿蛋知D1掛住拍拖，咁寫令其他人覺得佢仍有參與社運。陳官🗣️關注只需講老隻做護衛已經可以，點解講埋女朋友？D1認為阿蛋想營造自己及女友一同參與。D1指D7成為自己女朋友會保護佢，唔會俾佢去示威現場。D1確認被捕前沒有看過這個訊息，而D7也從來冇應承過做哨。

D7大律師指William Wallace( WW)其實就是D1，自己未問女朋友先斬後奏安排做哨，今日話做咗女友就會保護佢係大話，D1全部不同意。

📎烘焙同好會羣組
3月6日訊息WW分別發出：一張紅色膠袋圖，「香港仔買多少少」、「女友買」，同意全部是阿蛋打的，同意CCTV中其實是自己購買。阿蛋咁寫是因為夠鐘改名佢哋質疑D1走入去買咁唔安全，佢想反駁所以話係女友去買。

大律師再次指William Wallace其實就是D1本人。從TG通訊可見庭上話D7成為女友會保護佢令佢不牽涉行動是大話，反而是慣性講大話、因利乘便時身上責任撇清，因此出現訊息話女友買硫磺，D1不同意。

3月7日 10:12 WW：「留咗2包硫磺喺女友度-.-」，D1指也是阿蛋扮自己，硫磺忘記拿給Rachel同阿蛋講，自己理解是遺漏的「漏」，阿蛋寫錯，-.- 是阿蛋表示無奈，陳官🗣️關注即是阿蛋扮D1，並幫D1表示無奈，D1同意。

📎泰國旅行
同意2人泰國旅行費用全部有自己負責。同意冇向D7提及防水Samsung手機是阿鬼、冇提過阿蛋、冇講過身邊嘅人涉及爆炸、冇提過Rachel及其他人、冇提過有人資助503室租金；但有提過因租約滿想搬走、同身邊的人有麻煩。不同意去泰國時自己從冇向D7坦白從公開群組收風，將冇參與行動作大創作成有份。D1 表示最後一晚飲酒時講過為咗追求誇大咗。

📎D7認知、參與
同意從來冇向D7提過「阿蛋、阿鬼、阿芝、April、Rachel、大隻仔、Vivian或Vivien、華御結、阿蕉」及這些人相關事情。

同意D7從冇參與任何聲稱行動、也冇以任何方式去參閱或希望參與任何行動。同意D7沒有參與明愛醫院、羅湖站同將軍澳炸彈計劃。

🔸D8代表盤問
同意2019年11月所有在大角咀酒吧透過D2介紹認識D8，叫佢Macro。2020年2月1日D8上過宏創方1008及503室，同意如作供所講有煮嘢食俾D3及D8，包括魚、魷魚並有飲酒及汽水。確認D8曾告知有濕疹，唔可以飲酒同食魷魚。同意果日D8上宏創方是買2手防毒面具。記憶中當晚D3有同D8討論投資，自己也邀請D8做防毒面具生意但佢冇答應。

🔹控方盤問
📎阿蛋
同意不會傳召阿蛋作供、冇親眼見到佢打訊息、庭上提及阿蛋的事只是自己相信，因多重登入所以話阿蛋打的訊息也可以是其他人做、作供內容話多次轉發文件比阿蛋完全冇TG訊息支持，自己冇儲存佢聯絡電話。

📎William Wallace
同意是叫阿蛋扮自己登入TG，並在食飯時自己開設帳戶「William Wallace」，印象在20 20年1月底設立帳戶，確認同阿蛋共同使用，同意帳戶可以多重登入。

📎阿鬼
2019年11月 問阿鬼借防水電話SN324時，阿鬼通知開左新TG帳戶「想和你通渠」。同意電話也可用「5飛」登入。解釋阿鬼唔想搞亂聯絡人所以新開「想和你通渠」帳戶。主控追問可以還機時刪除資料，D1答有可能被捕比警方復修還原資料。同意冇任何文件如FB/TG支持有阿鬼呢個人，也不打算傳召作供。

📎D1 TG帳戶
確認自己只有「5飛」、「William Wallace」及「想和你通渠」3個帳戶。

庭上展示拘捕D1時身上3部手機（SN44、SN46、SN324）及503室檢取手機SN323。D1指SN323不是自己冇見過。

不同意主控指以上電話全是屬於D1並由其自己操作，阿蛋、阿鬼是因電話內有不利自己證據而虛構出來, D1只同意冇證據可以證明有其人。控方指其刻意作不會傳召作供嘅阿蛋同阿鬼，庭上案情亦是根據手上文件重組，是假的，D1指無證據提出不代表是假，不同意是虛構，D1講「我會話記憶係根據文件嚟重組」

📎羣組5飛身份前後不一
控方展示 2020年2月2日TG 無名群組對話，成員包括「5飛」「光復Jus titia」，「一枝弓」、「人血饅頭王」、「大鵬金翅鳥華御結」、「Pussy」、「夠鐘改名」、「叉雞飯呀屌你老母」及「101025908」。主控指出D1主問話自己手機登入之5飛ID是1字頭，所以此羣組的5飛ID是7字頭不是自己，但其實這是控方舊文件，開案前已經更新，真正ID是1字頭，D1看過文件同意及𐄘認這個「5飛」是自己，是被人加入羣組，同意自己留在組內收風而不是主問所講吩咐阿蛋扮自己在此羣組收風。但不同意其實庭上所見TG用戶「5飛、William Wallace及想和你通渠」全部是自己，因訊息不利自己而虛構由其他人操作。

📎TG Pussy 及 Alpha Force 是D4
同意剛才話唔識Pussy現在改口大角咀飲酒見過。不同意因為知道是D4所以假稱唔認識。

D1同意Alpha Force主問指是個叫大隻仔的示威者。主控問是否也不會傳召大隻仔作供、沒有文件或相片呈堂證明身有其人？D1確認係。

控方展示拍攝D4手機TG用戶Alpha Force資料，顯示SIM卡電話號碼是D4登記，Apple ID名稱也是D4英文名字，D1同意。

盤問未完

📌案件管理:
主控同辯方代表溝通後回覆陪審員估計審訊仍需要45至50天，最樂觀預計8月4日那個星期陪審團可退庭商議。

[13::45] 完庭，案件押後至明天(23/5) 08:45繼續。

#高等法院第七庭
#陳仲衡法官
#20200307爆炸 #審訊 [140 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾62個月；D7 已還押逾38個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

[09:01] 開庭

D1 表示身體不適，今日休庭。

📌案件管理：
法庭批准陪審員要求作下列安排：
6月4日及5日休庭
6月16日 開庭至11時
7月31日至8月6日休庭

[09:09] 完庭，案件押後至星期一(26/5) 08:45繼續。

#高等法院第七庭
#陳仲衡法官
#20200307爆炸 #審訊 [141 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾62個月；D7 已還押逾38個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

[09:03] 開庭

陳官表示收到有陪審員指案件對生計嚴重影響，希望法庭能夠按時完成餘下程序。

▪️D1 案情，D1 作供
🔹控方繼續主問
跟進上日，D1不同意控方指TG用戶Pussy及Alpha Force 均是D4。同意在主控指出開案文件上5飛ID是D1自己一直使用的電話後承認羣組內5飛留言全是自己而非主問所指由師弟阿旦扮自己發言。

有見D1更改口供，控方展示2月3日羣組各人討論籌旗，5飛有比建議籌旗要開新TG，D1解釋自己純粹比意見，估計佢吔用番92簽頻道籌錢，咁高調覺得不安全，而自己另外也聽過Rachel話要籌錢。同意早在2月2日已經知道92簽同爆炸案有關，D1身份只是訂閱者，但冇諗過不訂閱92簽，確認是自願留低。補充當時涉及社運起底心態，如果貿貿然退出頻道或羣組必然被認為係鬼，尤其是有人被捕而自己冇事更加水洗都唔清。同意明愛及羅湖爆炸後自己有懷疑呢個羣組內的一支弓、夠鐘改名、Pussy及叉雞飯（控方指為D2至D5）都同明愛、羅湖炸彈有關，對自己安全有影響。

不同意控方指口供講大話說公司生意不好收入受影響卻在1月去日本旅行，D1指是公司去公幹不用自己出錢。

主問作供指自己不參與前線，只在大角咀拉走後生示威者，承認做法有協助同鼓勵示威人士。主控指其非社運界佼佼者者，D1不同意指自己理大事件中有爬渠去到Z core附近渠位差啲俾警察發現但係冇俾警察追。主控展示5飛同Freedom Hai訊息後D1改稱在Z core附近有比警察追，自己之前意思是爬渠時冇被追。回答11月20日至28日3次爬渠入理大，頭2次有拍照及定位分享比想知道的人，第3次因為發現通道OK冇再影相。同意主問時答入去理大2次，今日盤問下改口稱3次。

羣組對話中其他人提「蛋糕」，D1在不同羣組見過理解為混合發泡膠的汽油彈。同意冇問其他人蛋糕嘅意思，否認不問因早已經同其他人有炸彈計劃協議，蛋糕是炸彈。之後5飛發出一些單位相片並講下個月搬，又鷄飯問「即係平過宜家」，D1同意是指新租單位租金會比503室平，否認上文下理可見自己識得叉雞飯，叉鷄飯也上過503室，亦即是所指去過503室叫Vivian的女子。主控追問5飛講「我果度係時間換」是因為廁所經過多次試爆被玩爛晒，播放CCTV拍到D3是去5樓殘廁。D1不同意指只是503廁所板燒黑，但同意當時冇咩人用503室廁所而去殘廁，可能廁所鋅盤好多時候有未洗碗碟，但自己從冇去殘廁。

羣組提到貨倉如果被警方踢竇，到時要「自爆」，D1同意貨倉指存放危險品503及1008室。控方指D1冇叫其他人唔好玩咁大傷到人，D1同意但否認自己毫無歉意並解釋當時氣氛咁做冇用，也不同意自己不擔心503及1008室發生爆炸對其他人有大影響。

2月3日「5飛」在羣組講「其實自爆件事本身好危險，1）我哋技術唔係百分百穩定、2）成品未必可以放咁耐」，D1話以上發言其實係叫其他人唔好諗「自爆」計劃，同意自己冇直接同佢講唔好。控方質疑有咁講法因為D1等人做過多次測試，對爆炸品效果有認知，D1否認，指只是從蒐集返嚟資料得知，也不同意自己正在給予建議。主控進一步指因有以上認知所以將軍澳計劃眾人便跟隨D1提議將爆炸品運去現場先至組裝，D1不同意。

2月3日羣組提及硝酸鉀KNO3，D1同意5飛言論涉及知道硝酸鉀屬於敏感化學品，但自己唔知道1008室有冇KNO3，有入過去1008室見到只有紙箱但沒有警察拘捕時所拍攝之一袋袋物品。同意主控指主問話唔識得雞仔，但今日展示TG內容5飛話「等第時同阿雞搬」即是認識，D1今日指呢個阿鷄是另一個阿鷄。

同日夠鐘改名組內留言「是你教會我炸彈表達訴求有用的」、「...可惜我哋仲未出撚狗po就封關」，D1回「我哋戰略上係成功嘅」。D1指當時示威者大多認為要「封關」，所以當時作「塘邊鶴」認為封關這個戰略成功，否認自己鼓勵或支持放炸彈行動。

2月3日「5飛」在TG群組發出一張D1同Rachel相片，D1同意現在因呢個5飛不是阿旦扮，更改口供相片是由自己親自發出。至於組內誰是一支弓、Pussy、夠鐘改名同叉雞飯，否認各人都上過503室，自己知道各人是誰所以沒有問各人身份。反之組內各人也識自己及Rachel所以都冇問想中兩人是誰，D1同意這點。

2月4日稍後夠鐘改名提到想炸鳩林鄭，5飛回應唔好因為佢咁戇鳩梗係留佢喺度。D1指此句意思係表示不可能，常識都知道唔可能去炸死特首，佢出入都有人保護。

控方引述2個不同羣組2月4日訊息，指一支弓在大群組叫「各位自行入數，我今日要入錢俾人」，D1於15分鐘後在另一羣組同一支半弓對話問戶口號碼，控方指D1其實清楚知道「一支半弓」同「一支弓」是同一人，即D2，D1不同意說是巧合，是之前托D2買嘢俾返錢佢，但現在忘記買什麼。

控方又指2月4日D1估到身邊人涉爆炸案，但仍容許Rachel在503室放危險品，名被告又可以自由出入涉案單位？D1同意亦回應沒有扔去Rachel的物品因為收取了她的租金。也認為始終係人哋嘅嘢，而電路板在503但自己冇意圖用，警察揾到自己都冇事。

一枝弓羣組發訊息指有家長比左利是大家，問想放喺大角咀定係跟身？Pussy答帶響身好啲，唔想去大角咀住。D1 附和因為當時估計到身邊的人涉及爆炸品，不想他們上去宏創方503室。主控再指討論提到因為得8封利是建議分成9份，而群組內可見有9名成員。控方指出D1同意分成9份是因為知道9個人都涉及炸彈行動，D1否認指是因為當時係新年，利是同爆炸無關。

[13::49] 完庭，案件押後至明天(27/5) 08:45繼續。

🔺控方自指出D1以手上文件重組自己版本案情，但睇錯TG ID，主問時指為阿旦扮自己發訊息如今需修正為自己親自打，需再次作解釋為何發出訊息及回覆。D1對於主問及盤問的作答分歧答釋被控方誤導、冇睇曬內容便覆、只對發生的事評論不是建議、收風得到資訊及有同阿蛋溝通等作解說。

#高等法院第七庭
#陳仲衡法官
#20200307爆炸 #審訊 [142 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾62個月；D7 已還押逾38個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

[09:03] 開庭

▪️D1 案情，D1 作供
🔹控方繼續盤問
控方就一些D1作供作查證

📎懐疑「一支公、夠鐘改名」涉爆炸
夠鐘改名群組內2月4日發訊息講「其實如果呃到喪屍落搭，可以有由佢攞到過去曱甴隔離就引爆」，D1初指冇看過，其後改口話可能好快望一眼覺得是吹水沒去深究，加上自己較關心人血饅頭王發放有冇人被捕消息。陳官關注D1不久前組內以5飛發訊「1420 屯門 巿中心 往屯門方向 一豬籠 7隻狗 睇住B3/B3X巴士站」，夠鐘改名所指的喪屍會否指內地來港人士，D1同意，因B3及B3X都是過境巴士。

D1當時不知夠鐘改名是誰，但從以上爭拗，不友善的說話語氣而估是D3，2人早在2月2日晚上離開503時D1指有暗示大家以後分道揚鑣，D3不悅。2月4日D1又在組內發出一張戴防毒面具自拍照，夠鐘改名指「可唔可以低調啲…」，D1當時回覆「依家越來越多人用豬嘴，越多人帶就越安全」。夠鐘改名其後再指「我哋啲嘢咁危險，有幾低調得幾得（低）調啦……」、「任何風險減得就減，唔好死係on X嘢手上」，D1指自己比較推廣戴上豬嘴防疫，所以不時以身作則。

D1 同意當時自己主觀覺得上過503室D2及D3均涉及爆炸品，但冇懐疑過大隻仔、Vivien（控方指是D4、D5）和D7，3人上來飲洒食嘢，冇目睹3人做危險嘢。因為冇實質證據冇問上去503室嘅波仔/股佬（D3）是否夠鐘改名。

📎TG用戶「叉鷄飯呀 屌你老母」
D5確認案發時不認識「叉鷄飯呀 屌你老母」，主問時指從冇聯絡，不知是誰，上去503室果個叫Vivien，叫「空姐叉鷄飯」，並非控方所指TG用戶「叉鷄飯呀陳」或「叉鷄飯呀 屌你老母」。

控方引述2019年12月D1同TG帳戶Freedom Hai對話，對方想寫信比在囚手足，5飛她約一位絲打取卡並提供TG用戶名稱，D1同意這用戶同控方截取D2手機中「叉鷄飯呀 屌你老母」資料一樣，D1解釋在其他羣組問人取得，自己只在2月6日羣組訂防疫用品才見到「叉鷄飯呀 屌你老母」用戶名稱。

主控再指從TG對話見到D1打「叉雞飯有同我講話見到你」，「叉鷄飯打咗電話比我」，D1指這個叉雞飯不是群組成員果個，是一個自己和Freedom Hai都認識而且見過是男人。控方指出D1在講大話，主問時答呢個叉雞是網友，冇見過面，從語氣估是男人，D1同意當時咁講但不是大話。

主控展示D1 檢取之黑色iPhone SN 49內聯絡人有TG帳戶「叉雞飯」及另一名「Vivian」的聯絡人電話號碼，主控呈上電腦記錄確認是D5名下登記號碼。D1指不肯定是否「叉鷄飯呀 屌你老母」電話號碼，解釋自己用的電話全𘚪是二手，習慣唔會剷除上手舊資料，不排除因此有未清除的聯絡人，肯定自己冇輸入過呢個電話號碼。另一個出現此聯絡人原因可能是iphone有icloud 同步資料功能，不同電話在登入同一個Apple ID可同步其他電話的聯絡人。D1不同意其實知道「Vivian」、 「 叉雞飯X你老母」、「叉雞飯呀陳」、就是D5，因此作供時講大話扮唔識。D1補充自己不會留意或使用手機聯絡人，日常聯絡會用社交媒體如Facebook messenger、whatsapo等。陳官關注呈堂聯絡人列表中有不少釣友聯絡人，D1確認是自己輸入。

📎口供提及Vivien
主控質疑主問答上503室的女子叫Vivien，但第五次錄影會面試在CCTV截圖認人寫上「Vivian叉鷄飯」D1解釋自己寫錯左。追問為何電話聯絡人見不到Vivien，D1答兩人只以通訊軟件聯絡，但忘記是那一個軟件。D1同意阿旦、大隻仔及阿鬼也是如此。

D1同意沒有呈上Vivien、大隻仔、阿旦相關社交帳戶文件證明真有其人。

📎Whatsapp Mika及釣魚小子叔叔
庭上展示D1 Facebook 2017年post，有人留言叫D1做「天偉」，庭上播放釣魚小子叔叔語音訊息，叫Mika「天偉，小心啲呀...」，D1否認自己就是Mika，因對話不利自己而假稱借電話卡比阿旦用後而出現此對話。

📎阿鬼借防水電話
昨天控方庭上為三星電話SN324叉電，今日證明可以正常運作開機。庭上投射開機後TG內容，首先打開「想和你通渠」及「叉雞飯 呀陳」對話，2月2日「想和你通渠」下午發訊「boomed?」「safe?」後發語音訊息「你返到九龍約食飯」。控方指是羅湖爆炸後D1查問叉鷄飯情況，而SN324電話根本一直是D1管有及使用，因內容涉及爆炸案，D1根據手中文件重組案情假稱電話從「阿鬼」借來，內容不是自己所發，D1不同意。

主控再引述D1 Facebook 2月2日貼上釣魚相，D1同意主問講是當日（羅湖站爆炸）去梧洞河釣魚由朋友拍照比自己貼上FB。控方對比同叉雞飯TG訊息對方知其在粉嶺火車站附近早之搵埋食飯。主控質疑刻意FB相片不出時間因為自己當日同D5去咗上水，吻合羅湖爆炸案時間，D1不同意也否則自己就是「想和你通渠」，解釋自己單獨還押5年，FB截圖是托親友做，為何冇時間要傳召作供才知，拍照人相信搵不到。

📎3月5日出入503口供不符
D1同意主問時指3月5日13:25離開503室，3月6日03:34時才返回503室，中間去咗酒吧同阿旦、大隻仔，D4傾情趣玩具生意。

庭上播放宏創方3月5日晚上5樓及10樓CCTV，當中
21:18  D1及D2 出電梯去503
21:48 D2離開，上1008室
21:53 D2離開1008室
21:56 D2返503室
22:17 D1及D2 離開503室
主控指D1講大話令控方花時間重看CCTV發現D1曾出入503室同主問口供不符。接著再引述TG《烘培同好會0.3》 21:15 時一支弓問邊個到左（大再咀）？而William Wallace在22:01時留言「個磅失咗蹤」，對話吻合CCTV所拍到D1 及D2入了503室，而William Wallace 主問話是阿旦是虛構，其實是D1本人，庭上因有不利證供以手上文件重組撰寫有利案情。D1情緒激動表示只同意搞錯3月5日出入過503室，其他全部不同意。

D1投訴單獨囚禁5年，沒有睇過CCTV光碟，5年前某天活動只依賴控方預備之出入紀錄回憶進出時間，一直認為準確，而該紀錄沒有上述今天所指出入時間，因受控方文件誤導才產生口供不符。主控強調作供可以講不肯定，紀錄是雙方同意是實，不存在誤導，而且作供是基於記憶、發生事實，不是用文件重組。

控方繼續展示TG羣組內容3月5日晚上22:34至3月6日01:58時多段廁所試爆片段及播放3月6日凌晨03:35時5樓CCTV，D1主問指飲醉由大隻仔扶返503室，片段中D1 不用扶行直線，大隻仔出電梯後往殘廁。D1同意以上。但不同意控方指因自己及大隻仔知其他人在503室試爆，大隻仔不去503室廁所。

[13::43] 完庭，案件押後至明天(28/5) 08:45繼續。

#高等法院第七庭
#陳仲衡法官
#20200307爆炸 #審訊 [143 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾62個月；D7 已還押逾38個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

⚠️今日法庭職員通知有陪審員請病假，審訊暫停一天‼️

明早 5月29日 08:45繼續。

#高等法院第七庭
#陳仲衡法官
#20200307爆炸 #審訊 [143 / 75+25]

D1何(36), D2李(25), D3吳(27), D4張(29)
D5楊(28), D6張(24), D7何(23), D8周(25)
🛑D1～D4 已還押逾62個月；D7 已還押逾38個月

控罪1：D1~D7 串謀對訂明標的的爆炸的禁制
控罪2：D1~D7 串謀導致相當可能會危害生命或財產的爆炸（控罪1 的交替控罪）
控罪3：D2 作出一項或一連串傾向並意圖妨礙司法公正的作為
控罪4：D8 企圖製造炸藥

--------------
🔹控方代表：外聘檢控官 #林芷瑩大律師 、#鄺潤雙大律師 、#雷明雋 高級檢控官 、#江華 檢控官

🔸辯方代表：
D1 #姚本成大律師，D2 #朱寶田大律師
D3 #梁耀煒大律師，D4 #張志輝大律師
D5 #陳偉彥大律師，D6 #林國輝大律師
D7 #郭憬憲大律師，D8 #麥健明大律師

========

[09:00] 開庭

▪️D1 案情，D1 作供
🔹控方繼續盤問
上一日質疑出入503室同記錄不符，D1 稱受控方文件列表誤導，今日控方指同意事實列表文字敍述是寫準確紀錄「每一次」出入，不是「所有」出入，如D1發現有分歧應該要求更改，D1同意冇要求。主控再指所有CCTV光碟有交俾D1法律代表，D1再次指出在囚還押冇可能睇到CCTV光碟，自己也不肯定有冇要求代表律師去睇相關片段。

📎503室廁所控方指稱D1做測試
確認主問指控方呈堂D2手機片段1月25日拍到男子側面在點著煙花不是自己，是華御結，當時屋內仲有自己、一支弓及夠鐘改名，自己當時在床上叉電冇目睹測試，庭上播放四人5樓出電梯CCTV對比，華御結孭紅色背囊，戴粉紅色口罩及戴黑框眼鏡，D1穿黑色風褸，藍色口罩及冇眼鏡。控方再以慢鏡播503室廁所點煙花片段見該男子戴住藍色口罩，冇眼鏡及穿黑色連帽風褸同D1出電梯衣著相似，D1堅持此人不是自己是華御結，控方指豈不是測試前華御結換上D1風褸，更換埋藍色口罩及除下眼鏡，D1同意。

而另一手機片段拍到3月5日至6日於503室廁所試燃點爆炸品，當時D1，華御結，夠鐘改名及一支弓也在屋內。主控指點著後男人聲講「得得得」及發出笑聲是D1，D1肯定不是自己，但唔知係邊個人。

📎控方指稱D2參與
控方展示2020年3月6日「烘焙同好會0.3」發送503廁所點化學品片段，片段中有男聲音問比例，女聲回答是5:2:1:1，男聲反問不是5:3:1:1。控方指聲音是D2而片段可以見到是D2，女聲是流沙天堂因為全部吻合羣組討論試爆比例。之後再指5飛(D1)當時喺群組，發訊人不是阿旦是D1，D1以上全部不同意只認為片中人同D2相似，也不確定控方根據出入紀錄指是D2於3月6日在503室測試化學品。

📎控方指稱D4參與
控方又引述Telegram 內Alpha Force同5飛對話提到試「引線」，D1指係情趣玩具的電引線，非炸彈引線，稱「穩陣D好」係確保產品在投資者面前可以運作。陳官🗣️問點解對話提「入去啲鳩位再試啲引線？」，D1稱情趣玩具要在隱蔽地方試，再補充「引線」可在不同行業中出現，如釣具中也有其「引線」。同意自己沒有文件或圖片去證明當時有發展情趣玩具生意。

控方問D1至D7是否只得D4識得寫程式，羣組中提到「Fuck the popo」「敬陳彥霖...」是D4編寫引爆炸彈指令。D1只肯定知道D4識寫程式，自己無相關指令知識不清楚至於D4代表曾指本案Líligo電路板是整售賣汽水機面板，D1表示冇聽過D4提及使用電路板。最後不同意訊息中引線涉及爆炸。

📎控方指稱D3參與
3月7日TG 「烘焙同好會0.3」內D1約19:00左右發訊問搞乜嘢咁大煙，CCTV拍到D3於19:09在大堂被管理員問發生咩事，他解釋煮嘢食。D1同意當時在返503室途中，準備放低袋硫磺後外去同Vivien 食飯。不同意D3等人當時在503室測試爆炸品引起大煙。

📎控方指稱D5參與
D1確認主問下講2020年3月Rachel請求購買變裝用品比示威朋友，D1自己搵Vivien幫手，3月7日晚相約在荔枝角山東餃子店交收，也確認食店CCTV 20:36截圖女子係Vivien。控方引述TG「烘焙同好會0.3」群組同日18:05時「叉雞飯屌你老母」稱「去旺角買帽，化妝品 就搞掂」。D1同意自己將硫磺放回503室後離開因為約咗叉雞飯。19:39時「叉鷄飯呀屌你老母」稱「我係塘尾道公園 」，吻合監視D5之警員口供，D1回覆「我放低嘢先」，叉雞飯問「我食住飯等你？」。主控指以上證明叉鷄飯呀屌你老母、Vivien及D5是同一人，D1不同意。

📎控方指稱D7參與
主控指1月26日（明愛醫院爆炸案發前一天）5飛同珀斯光輝（D1及D7）訊息中稱「我聽晚都有行動」，D7問煙霧彈？」，D1指回覆「可能炸埋」是吹水。當時理解是燒兵乓波咁「僕一聲」，同意訊息字面上並沒有提到兵乓波。

主控指出D1明知有人在503室做危險嘅，Rachel放危險品等都冇對D7講，而D7也不在「烘焙同學會0.3」卻從訊息中顯示她知道一些細節，因為D1是面對面或者單對單的訊息向D7提及，當時女友D7佢知道爆炸計劃並參與，D1不同意。控方繼續引述二人提到「疍榚」（混合發泡膠汽油達），D7說「好想係佢banner放蛋糕」。D1指當時認為扮勇武抗爭會較易追到女仔，但不同意D7喜歡做這些事，再聲稱追到D7是靠自己的廚藝。同意D7當時沒有問「煙霧彈」「可能炸埋」咩意思。認為D7話banner放蛋糕係吹水。不同意D7冇反對自己繼續扮勇武，她有口頭有講過。

兩人TG通訊之後D1話「煮完，一陣等人上嚟裝」「遙控」，D1主問話係安裝IP Cam監察警方有冇在示威地方非法使用武力，同意D7無問詳情亦無叫自己唔好裝。陳官🗣️問是否無同D7解釋IP cam用途，D1確認無。

控方再指D1早已經對D7講放置煙霧彈的行動，1月26日19:16時D1發訊「醫院小隊出左發」「我在旺角開花等待中」，D1同意D7冇問咩意思及邊間醫院，否認自己一早分享遙控炸彈計劃所以D7不用問詳情並發出訊息「今次記得sim卡」「入夠錢」。稍後D7再發訊「Wow best B-day present ever」「加油」控方指是向D1參與明愛醫院爆炸作出鼓勵，D1也全部否認，同意曾同D7分享爬渠入19年11月理大時電話因sim卡失聯，D7對話提及sim 卡是恥笑緊自己。

📎明愛爆炸案後訊息
控方指D1在1月27日03時左右在TG群組中稱「不如入去點着佢算」、「會唔會因為接收太遠」；之後04時左右再發訊息「back home及sad表情」「舊嘢好似爆唔到」比D7，D7回應「failure teaches success」「at least not being arrested 」。同日D1也說過「我同秘書姐姐在旺角」，控方再問Vivien是否任職秘書，D1最初指是空姐冇做秘書，主控引述主問時是答有兼職秘書，D1同意。控方指此時應知涉案群組不是吹水，從訊息記錄證明D1、一支弓及夠鐘改名（控方指D2、D3）參與了明愛爆炸案。D1只同意憑TG內容估計一支弓及夠鐘改名有參與明愛醫院爆炸案，自己冇份。而問及明愛CCTV截圖中男子是否D2? D1答似但不肯定。

1月28日 D1𘍭發明愛醫院爆炸新聞比D7，D7說「明明唔應該咁大威力」「之後再炸就炸膠鐵？」D1覆「我地吹咗喺關口」。D1同意冇停止討論解釋因為追緊D7，佢對呢D議題接受。D1其後再講「有D隊友又覺得啱啱做咗一單好似好密」，主控質疑「隊友」是一支弓及夠鐘改名，「一單」是明愛醫院爆炸，D1只同意後者。

[13:47] 完庭，案件押後至明天(30/5) 08:45繼續。