國產飛機升唔起：中國航空業的玻璃心翅膀

當中美貿易戰升級，北京宣布停止接收新的波音飛機，表面睇係政治反擊，其實更像一場冒進嘅豪賭。波音係中國民航機隊中最主力嘅飛機品牌之一，單單 737 系列，中國就擁有接近一千五百架。呢批飛機日日飛、周周用，機齡老化、維修損耗，早已係預期中事。一旦唔再接收新機、唔再更新機隊，當有飛機出現問題、要退役、要換件、要升級，請問中國航空公司點頂？冇咗波音，中國航空業唔單止補唔上新機，連現役機隊嘅維修都可能出現危機。

更諷刺嘅係，中國話靠自己，其實國產飛機根本撐唔起全國航空網絡。ARJ21 雖然早已面世，但航程短、容量小，只夠應付部分內陸支線。至於 C919，就更加係「展覽機多過航班機」——交付咗幾架俾東航之後，真實航班量屈指可數，航線範圍侷限，售後支援體系薄弱。仲要記住，就算話係國產機，關鍵部件都仲係靠外國供應。一旦美國真係收緊出口，C919 唔止升唔起，連開機都難講。

Credit: @mandela2.0_hongkong

#國產飛機 #中美貿易戰 #波音 #波音737 #C919