最新：盧甘斯克州州長蓋達伊 (Serhiy Haidai) 表示俄軍係兩日前原先控制住70%嘅北頓涅茨克市，但係烏克蘭軍隊係最近成功擊退俄軍，而家全市被一分為二，一半由烏克蘭控制，另一半由俄羅斯控制。🔥🔥🔥

蓋達伊表示俄軍損失大量人員，而烏克蘭軍隊亦都俘虜八名俄羅斯人。

最新：烏克蘭空軍司令部表示俄軍今日攻擊基輔地區嘅巡航導彈，係由裏海上空嘅Tu-95戰略轟炸機發射。

俄羅斯國防部首席發言人科納申科夫12.00 05.06.2022最新早間鳩噏簡報：

🔘 俄羅斯空軍嘅高精準導彈摧毀咗位於基輔郊區，東歐國家提供嘅T-72坦克以及其他裝甲車輛。

🔘 俄羅斯空軍嘅高精準導彈摧毀咗位於頓涅茨克州克拉馬托爾斯克市、德魯日基夫卡市、察蘇夫雅市，為烏克蘭軍隊修理壞嘅軍事設備嘅工廠車間。

🔘 俄軍係日間襲擊咗烏克蘭第81獨立空中機動旅 以及第 95獨立空降突擊旅 嘅指揮所，以及6個人員同裝備集中區。

🔘 俄軍攻擊咗烏克蘭軍隊位於頓涅茨克州切爾卡西克，以及位於扎波羅熱州庫班市嘅2個9K33黃蜂Osa防空導彈系統發射器。另外俄軍亦都攻擊咗位於哈爾科夫州科羅季奇嘅2架多管火箭炮系統發射車、位於頓涅茨克州Маяки以及斯拉夫揚斯克市嘅3個火箭同火炮武器庫。

🔘 俄羅斯空軍以及陸軍航空兵襲擊咗烏克蘭軍隊3個指揮所、65個人員同裝備集中區；成功擊斃超過350名『烏克蘭民族主義者』，摧毀烏軍10架坦克同裝甲車、兩架BM-21冰雹火箭炮、9門火砲、14架特種車輛、位於頓涅茨克州巴赫木特市以及盧甘斯克州Лоскутовка嘅2個彈藥庫。

🔘 俄軍火箭及炮兵部隊擊中烏克蘭軍隊46個指揮所、498個人員同裝備集中區、123個火炮同迫擊炮陣地。

🔘 烏克蘭空軍一架MiG-29戰機係頓涅茨克州斯拉夫揚斯克嘅一場空戰中被擊落。

🔘 俄軍係敖德薩地區嘅防空系統擊落烏克蘭空軍一架運載武器同軍事裝備嘅An-26軍用運輸機。

🔘 俄羅斯防空系統日間係頓涅茨克州Видродження、Riasne、斯維亞托戈爾斯克市、基羅夫斯克；盧甘斯克州普爾季夫卡 、博羅文基、瓦爾瓦里夫卡；哈爾科夫州沃夫奇亞爾、大普羅霍季擊落10架烏克蘭無人機，包括係哈爾科夫州別列濟夫卡擊落1架拜卡「旗手」TB2土耳其制無人機。

🔘 俄羅斯防空系統係尼古拉耶夫州新傑奧爾吉伊夫卡攔截2OTR-21托奇卡戰術彈道導彈；係哈爾科夫州蘇哈卡米揚卡、多夫根克、卡米安卡擊落3枚BM-27 Uragan火箭炮炮彈。

🔘 自特別軍事行動開始至今，總共摧毀烏克蘭軍隊189架飛機、129架直升機、1114架無人機、330個防空導彈系統、3416架坦克同其他裝甲車、470個多管火箭炮系統、1778門野戰砲同迫擊砲、3419架特種軍車。

有史以嚟俄羅斯國防部最長鳩噏🙃

最新：烏克蘭國防部情報總局 HUR MOU 最新報告指俄軍正極力避免同烏克蘭守軍直接交戰。

報告指即管面臨刑事起訴威脅，車臣特種部隊『卡德羅夫軍』分隊設置路障，俄軍仍然千方百計咁試圖離開烏克蘭。

另外報告直指俄羅斯第2近衛集團軍轄下嘅第30摩托化步兵旅指揮部隱瞞大規模逃兵事件，並且威脅要射殺相關士兵。第30摩托化步兵旅嘅一個單位係試圖越過位於邊境別爾哥羅德地區嘅Shiyany檢查站時候被拘留，並且被強行返回烏克蘭嘅俄羅斯佔領區。而家呢個部隊正討論向烏克蘭守軍投降嘅可能性。

我都唔知點解自己會唔訓整呢啲，痴痴地...

最新：烏克蘭國防部副部長馬里亞爾 Hanna Maliar 表示首都基輔仍然係俄羅斯嘅主要目標，不斷受到威脅。

🇷🇺🇷🇸時常語出驚人的俄羅斯外長拉夫羅夫，突然取消出訪與俄交好的塞爾維亞，據悉因專機被塞爾維亞鄰近國家包括保加利亞、北馬其頓及黑山禁止進入領空。

塞爾維亞總統武契奇將須親自處理有關問題。早前，塞爾維亞與俄羅斯簽訂三年的天然氣供應協議，與歐盟唱反調。