🇺🇦🇷🇺引述烏克蘭武裝部隊及多個俄羅斯媒體消息，著名俄羅斯武裝部隊少將庫圖佐夫已陣亡，他是攻打烏克蘭東部其中一名重要將領。

2019年6月6日，法律界發起黑衣靜默遊行，表達反對港府強行推動《逃犯條例》修訂議案。

如無意外應該會係最後一次。

現在鼓吹疫苗的都這個邏輯！！！

烏克蘭記者 Roman Tsymbalyuk 表示庫圖佐夫以當佢嘅士兵為『炮灰』而聞名，專登送佢哋去死。 庫圖佐夫係6月5號，親自率領軍隊進攻其中一個定居點嘅時候遭到烏軍炮火攻擊，被人收皮。

最新：法國國營電視二台 France 2 報導，18門法國CAESAR 155毫米自走炮已經運抵烏克蘭，並且已經成功摧毀80門俄軍火炮。🔥

最新：英國將會向烏克蘭提供M270多管火箭炮系統。

M270多管火箭炮系統可以擊中80公里遠嘅目標；英國曾經表示烏克蘭軍隊將會係英國接受訓練，之前英國亦都曾經宣佈將會訓練烏軍使用裝甲車。

烏克蘭武裝部隊總參謀部公佈俄軍最新總損失數字，陣亡士兵數量上升至31250。

最新：美國智庫戰爭研究所 (Institute for the Study of War)最新報告指烏克蘭軍隊係尋日（5號）對北頓涅茨克發動反攻，成功奪回北頓涅茨克大片地區，顯示俄軍係烏克蘭嘅戰鬥力已經下降。

報告指俄羅斯已經將大部分力量集中係攻取北頓涅茨克市，而烏克蘭軍隊可能會利用俄羅斯持續專注於北頓涅茨克嘅時候，對其他戰線進行反擊。

同時，烏克蘭係北頓涅茨克嘅反攻壓力可能會將俄羅斯軍隊嘅注意力吸引到盧甘斯克州，從而係哈爾科夫州同烏克蘭南部嘅俄軍防線留下漏洞。烏軍係北頓涅茨克成功反擊，即係係克里姆林宮當前嘅優先行動區域，進一步表明俄軍係烏克蘭嘅戰鬥力正在下降。

著名美國搖滾樂隊樂隊 Imagine Dragons 主唱雷諾茲 Daniel Reynolds尋日（5 號）係捷克首都布拉格嘅一場演唱會上，手持一幅烏克蘭國旗。

國旗係由一名居住係哈爾科夫市Saltivka民居嘅婦女交俾佢。

最新：烏克蘭海軍表示烏軍嘅防守，成功令俄羅斯黑海艦隊嘅艦艇由烏克蘭海岸撤離百幾公里。

最新：北約名為Baltops 22嘅大型演習開始，參加裝備包括45艘艦船、75架飛機以及七千幾名軍事人員。

最新：作為軍事援助一部分，瑞典將會向烏克蘭運送AG 90狙擊步槍以及五千支AT4反戰車火箭筒發射器。

最新：彭博社報導，俄羅斯同土耳其已達成初步協議，通過黑海恢復烏克蘭農產品嘅供應，但烏克蘭唔同意相關計劃嘅條款。

報導指計劃包括係敖德薩附近嘅海域排雷，並且係聯合國嘅主持下保證船隻安全離開黑海。同時俄羅斯要求有機會檢查商船上係咪有武器，而烏克蘭正正就係唔同意呢個條件。

值得留意嘅係，烏克蘭無直接參與談判。

最新：俄羅斯國家杜馬議員，俄羅斯武裝部隊軍事政治局主席卡爾塔波洛夫 Andrey Kartapolov 表示如果西方向烏克蘭提供遠程多管火箭炮系統 MLRS ，俄羅斯可能會攻擊烏克蘭國家機構以及交通基礎設施，例如烏克蘭最高拉達、烏克蘭國防部等。

最新：德國之聲報導，希臘政府發言人表示當德國承諾嘅德國貂鼠式步兵戰鬥車抵達希臘嘅時候，希臘將會向烏克蘭移交大約100架BMP-1步兵戰車。

最新：烏克蘭總統澤連斯基證實英國將會向烏克蘭提供『保護烏克蘭人生命所必需嘅』武器。

『我感謝約翰遜首相充分理解我哋嘅需要，並且準備好向烏克蘭提供我哋急需嘅武器，以保護我哋人民嘅生命。』

最新：烏克蘭總統澤連斯基表示烏克蘭軍隊無放棄係北頓涅茨克嘅陣地，當地激烈巷戰仍然繼續。